Lágidit Chile eahkeda Oslo Sámi viesus

OSLO: Oslo Sámi viesus leat Chile doalut mas muittašit movt lei go militeara válddii badjelasas riikkafámu čakčamánu 11. beaivvi 1973, ja movt riidaledje olmmošrivttiid ja sosiála dásseárvvu ovddas, earenoamážit mapuche eamiálbmoga rivttiid ovddas. Bistevaš riidu mas ain leat gillájeaddjit maŋŋel stáda duolbmuma ja veahkaválddálašvuođa.

Doalut lágiduvvojit čakčamánu 22. beaivvi, diibmu 19 eahkedis, ja guossit ožžot boradit Chile biepmu. Rubén Collio Chiles eret, muitala go su eamit goddui, gii lei mapucheaktivista. Evelyn Cornejo čuojaha Chile musihka. Muđuid lea filbmačájáhus, musihkka, logaldallan, čájáhus ja poesiija. Lágideaddjit leat GRAPAL, RAPMO ja Oslo Sámi Viessu.