Golbma luohká fárrui Kárášjohkii
Sami joatkkaskuvlla ja boazodoalloskuvlla oahpaheaddji guovttos Brit Inga Haetta ja Liv Haldorsenain leaba boahtán 26 joatkkaskuvllaoahppiiguin Kárášjohkii Sámi Girjjálašvuođa guovtti beivviide.
– Lea sámegielfága oahppit 1. 2. ja 3. luohkás. Fáttát leat nu bures heivehuvvon oahppoplánii, gelbbolašvuođa mihttui ektui. Olu lea oahpes áššit man birra maid letne guhká oahpahan, muitaleaba ja lohkaba lei nu somá ja miellagiddevaš gullat Lill-tove Fredriksena muitaleamen sámi girjjálašvuođa álggu gitta dálá áigái.
Somámus luohteoassi
Muitaleaba sudno oahppiide lei várra luohtedajahusat ovdal ja dál veaigin maŋŋebárgga somámus. Ledje juoigit Biret Ristin Sara, Biret Elle Láilá/laila Somby Sandvik, Karen Anne Buljo ja Issát Sámmol Haetta geat dan oasi fuolahedje.
– Dál mii fertet juoiggastit juohke iđida ovdalgo álgit skuvlabeivviin. Šattai nu ealas. Jáhkán oahppit liikojit veahá dasa, ii leat nu stiivvis, lohká Liv Haldorsen.
Sudno mielas lei hui buorre gullat máttasámegiela, erenoamážit ahte nuorat besse dan gullat.
– Meerke čilgii mii lea erohus dáža ja sámi servodagas. Diet lei hui buorre diet mánáidbajásgeassimis. Justa vearbbaid dehálašvuohta sámegielas, dat muitalit nu olu ovtta láhkai ahte lea veadjetmeahttun jorgalit daid eará gielaide, lohká Brit Inga Haetta.