HOROSKOHPA - boahtte vahkku
FIERCA 21/3-19/4
Dál lea vuogas áigodat, oahpásnuvvat ođđa olbmuiguin geat sáhttet šaddat dutnje dehálažžan boahtteáiggis, ja maiddái ođasmahttit oktavuođaid maidda dus ii leat leamaš áigi ja návccat ovdal. Muhtimat leat dutnje mávssolaččabut go earát, ja muhtimiin lea fas stuorát sadji du eallimis go maid ba ánssášat ge. Dál, go dus leat siskkáldasat dárbbut oažžut positiiva dieđuid ruovttoluotta ja go háliidat ovttasbarggu, de fertet leat dihtomielalaš iežat árvvuide ja dasa maid ieš doalahat.
VUOKSÁ 20/4-21/5
Barggus dahje skuvllas oainnát áššiid ođđa čalmmiiguin ja hutkkat ođđa fuomášumiid. Dan maid dajat áddejuvvojit moaittan, ale geahččal buot ođasmahttit oktanaga. Don earduduvvot bargguiguin maid it leat gárven dahje daid gáibádusaide ahte galggat čuovvut daid njuolggadusaid maid ieš it leat fuomášan. Don bijat dál karrieara guovddážii ja vejolašvuođat sáhttet fáhkka ihtit, muhto jus áiggut ovdánit, de fertet gal čájehit iežat máhtu.
JUMEŽAT 21/5-21/6
Don leat hutkái, duostil ja duhkoraddalas. Dát šaddi fámut ožžot eanemus ávkki jus ložžet iežat it ge smiehta menddo ollu maid earát oaivvildit du daguin. Jus dal jo it jotkkeš dainna gearggakeahtes divttain, de gávdnojit eará hutkanvuogit. Dál lea vuogas áigodat dikšut romantihka, vaikko ealáskahttit boares dovdduid dahje cahkkehit hilaid mat leat jáddamin.
REABBÁ 22/6-22/7
Ruovttus dahje bearrašis oaččut veahki ja doarjaga oaidnit ođđa hástalusaid ođđa oaidninguovllus. Soaitá it dárbbaš dalle váivašuvvat dainna mii lea caggan du ovdáneami, muhto baicce válljet áibbas eará? Dus lea dál ain deháleabbo okto návddašit áiggi, ja lea maid dárbu smiehtadit ja návddašit jaskatvuođa, ja maiddái čoaggit fas návccaid, dalle lea vejolašvuohta fas ođđa fuomášumiid hutkat.
LEDJON 23/7-22/8
Dál beasat eanet áiggi bidjat lagašbirrasii dahje oarbiniidda dahje lagaš ustibiidda. Dien láhkái sáhtát ođasmahttit gaskavuođaid maidda dus lea leamaš nu diehttelasvuohta, muhto mat maid dárbbašit dikšojuvvot. Lea nu álki badjelmeare ollu doaimmaide coggat iežas ja danin eai šatta eanaš doaimmat ollásit bargojuvvot, nu ahte ale vajálduhte daid guhkit áigge mihtuid. Dál, go dus lea hállanvuoibmi, de fertet dan liibba geavahit hállat dan birra maid guhká leat jo ballan ovddideames.
BUHTISNIEIDA 23/8-22/9
Dát áigodat lea vuogas viiddidit fieskki ja hukset jierpmálaš riggodagaid, ja don leat maiddái čeahppi hállat iežat ovddas. Muhto ovttasbarggus sáhtát šaddat mášoheapmin ja moaitálassan. Ruhtadilli ja dávvirat stivrejit du eallima eanet go muđui. Soaitá ahte don oasttát juoga ođđa ja deattuhat háhkat riggodaga, dahje ozat friddjavuođa eret beassat muhtin loanas mii du čatná.
VIEHKAT 23/9-22/10
Dál lea vuogas áigodat álggahit juoga, muhto ale vajálduhte guldalit sin geat háliidit ovttasbarggu. Dus lea álccet jáhkku ja dovddat iežat birrasis speadjalastet dan ruovttoluotta. Don nu lunddolaččat čađahat áššiid, ja vuoittát maid vuostehágu badjel mii deaivida go áiggut čađahit maidige. Dus lea vuoitolihkku, dán vahkus it galgga guođđit lotto spealakeahttá.
SKORPIUVDNA 23/10-21/11
Vaikke leat movttet ja liikot ovttastallat earáiguin, ja romantihkka maid libarda, de dárbbašat maid okto geassádit ja smiehtadit. Dán áigodagas lea vuogas mediteret ja maiddái vuoiŋŋalaš bargguide, muhto dás oidno maid ahte sáhtát duohtavuođas báhtarit, nu ahte ale vajálduhte bissut duohtavuođas. Ruovttus johtilit earduduvvot ja sáhttet šaddat riiddut, garvve hárddildeames nuppi.
BÁHČČI 22/11-21/12
Joavkkuin ja oktavuođas dovddat iežat ahtanuššamin ja oaččut hárjáneami mii addá máhttindovddu. Jus galggat loaktit de lea gullevašvuohta ja oktavuohta hui dehálaš, ja dus lea dárbu ovttastallat olbmuiguin geat jurddašit ja barget dan seamma go don ieš. Dán vahkus viiddidat oahpisbirrasa ja oahpásnuvat ođđa guvlui. Dat gártá ahte ovdánat sosiálalaččat.
BÁKTEBOHKKÁ 22/12-19/1
Barggus válddát ovddasvástádusa ja dohppet daid vejolašvuođaid mat bohtet, lunddolaččat ja dábálaš autoritehtain. Du biras dahje hoavddat fuobmájit ja oidnet dan, ja dat sáhttá buktit dutnje ođđa doaimmaid dahje ođđa barggu. Ruhtadiliin leat vuovdnái, muhto ale vajálduhte láhttet govttolažžan maid, go dás oidno ahte sáhttá buollát riidu ruđaid geažil.
ČÁHCEOLMMÁI 20/1-18/2
Ođđa fuomášumit giktalit dutnje mátkkoštanmovtta. Dihtomielalaččat dahje fuomáškeahttá ozat olbmuid geat morihahttet du silolaččat, ja sáhtát maid gártat dakkár dillái ahte hárddát iežat birrasa iežat oaiviliiguin. Soaitá dus boahtá fáhkkestaga vuoiŋŋalaš dovdu mii dagaha ahte ozat duohtavuođa eará sajis go ovdal leat dahkan, dahje deaivvadat muhtimiin geainna johtilit gávnnat oktavuođa.
GUOLIT 19/2-20/3
Muhtin ustit čájeha alddis ođđa beliid go leahppi eanet oahpásnuvvan, dahje go muhtin ášši galgabeahtti čoavdit ovttas. Hástalus lea ahte fertet su eavttuid čuovvut su leavttuin, ja dan it leat don válljen. Jus dan nagodat, de sáhtát oaidnit árvvu das maid ovdal it leat nu bajás bidjan dahje ádden das dan ulbmila. Lea vejolašvuohta vuoitit, sáhttá leat árbbi oktavuođas dahje oaččut máksot almmolašvuođas.