Olgobingo

Olgobingos galget ohcat diŋggaid mat báhpiriid leat tevdnejuvvon. Go gávdná, de galgá merkestit dan.

Ráhkat árkii ruvttuid maid sisa tevdnet dehe čálát diŋggaid maid olgun lea vejolaš gávdnat. Ovdamearkka dihte: bussá, muora, saháreŋkko, bizo bázo, muorraseahka, bensinlihtti, suoŋira, cizáža, garjjá, skire, ealli luotta ja ollu eará. Mánáide geat leat oahppame lohkat lea vuogas jus čállá vel gova vuollái mii dat lea.

Njuolggadusat leat álkit. Mánát galget gávdnat dan mii báhpiris lea, ja go gávdnet, de sázastit dan eret. Das lea ulbmil gávdnat buot mii árkkas lea.

Jus árkkaid laminere, de sáhttá maid arvedálkin stoahkat olgun.

Luoddabingo lea maid somá, seamma somá go meahcis vázzit. Luoddabingos sáhttá gis tevdnet šilttaid, sierra lágan viesuid, biilamearkkaid, iešguđet ivnnát biillaid, guorbmebiilla, ja ollu eará maid luoddaguoras sáhttá oaidnit.

Geasset sáhttá ráhkadit divrebingo, de tevdnet divrriid ja maid muđui iešguđetlágan lasttaid ja liđiid.

Dát mii lea buorre daiguin bingoiguin lea ahte mánát ohppet ollu.