Sámedikkis almmuhit sámi loguid
Statistihkka «Sámi logut muitalit 11» almmuhuvvo Kárášjogas ihttin Sámedikkis.
Dasa lassin ovdanbuktojuvvojit dán almmuheamis maiddái sámi filmmat ja sámediggeválggaid treanddat.
Sámi statistihka fágalaš analysajoavku lea sorjjasmeahttun fágajoavku mii redigere ja almmuha sámi statistihka mearkka- šumiiguin juohke jagi. Sámi logut muitalit leat almmuhuvvon 11 jagi ja dát publikašuvdna lea deaŧalaš sidjiide geat barget politihka ovddidemiin ja áššemeannudemiin sámi diliid birra.
– Vaikko analysajoavku lea sorjjasmeahttun, de oažžut mii fágalaš rávvagiid ja dat gulahallá Sámedikkiin. Lea lunddolaš ja deaŧalaš ahte mii gulahallat dainna ásahusain mii dovdá sámi diliid buot buoremusat, danne go dat leat Sámi logut muitalit sisdoalu buot deaŧaleamos geavaheaddjit, dadjá analysajoavkku jođiheaddji stáhtadiehtti Kevin Johansen preassadieđáhusas.
Stuorradikki gieldda- ja hálddašanlávdegoddi, mielde almmuhandilálašvuođas
Ovdal go Sámi Logut 11 artihkkaliid čállit ovdanbuktet iežaset gávdnosiid, de geige- juvvo dat álggos Sámedikki politihkalaš jođiheddjiide.
Dán jagi lea maiddái Stuorradikki gieldda- ja hálddašanlávdegoddi mielde almmuhandilálašvuođas. Analysajoavkku jođiheaddji Kevin Johansena mielas lea dat hui buorre.
– Dál lea mis vejolašvuohta ovdanbuktit maiddái gávdnosiid daidda politihkkáriidda geat dahket mearrádusaid Stuorradikkis ja dasa mii illudat, dadjá son.