Finn­márk­ku buore­mus vázzin­bálg­gis lea vállje­juv­von

Bor­ras Vest­re mii lea Ált­tá suo­hka­nis, lea namma­duv­von le­at Finn­márk­ku buore­mus meahcce­bálg­gi­sin, ja vuoitá 25 000 ruvnno. Skáb­mamá­nus le­at Ált­tás áv­vudoalut gos ruhtavuoi­tu geige­juv­vo.

Avvir - - FORSIDE - An­ne Gro Gaup an­ne­gro@av­vir.no

Vuoi­ti galgá gil­va­lit su­per­finálas Ber­ge­nis, bálgákon­feráns­sas njukčamánu 2019:s gos namma­dit Norg­ga buore­mus vázzin­bálgá.

Bor­ras Vest­re lea vár­ri mas lea várd­dus Ált­táv­ut­nii ja Fálle­jo­hkii. Dop­pe sáht­tá le­at gar­ra dál­ki baji­mus čo­hkain, muhto bálgá guora le­at muh­tin vuo­gas bisá­nas­tin­báik­kit. Meahcce­bálg­gis vuolgá Ált­tás ja lea boa­res po­as­tal­uod­da mii manná Skuv­van­vár­rái.

Ruk­ses ja alit bálg­gis

Jus ái­gu, de sáht­tá ču­ovv­ut bálgá vi­idáse­ap­pot Stuora Bor­ra­sii mii lea 558 meh­te­ra ábi ba­já­beal­de. Vuost­taš guok­te kilomeh­te­ra bálgás lea se­am­má bálg­gis go dat go­hčo­duv­von «Folke­sti­en» mas le­at ruk­ses me­ark­kat.

Bálgá luod­daea­rus lea me­arka, ja dak­ko lea maid vuoiŋŋas­tans­adji. Folke­sti­en manná gurut guv­lui ja vi­idáse­ap­pot vu­los­guv­lui Ner­sko­gen IL re­gist­rerenkás­sa lusa, mii lea Skog­van­net la­h­ko­sis. Folke­sti­e­na lea Álbmot­de­arv­vašvuođa našunála­se­ar­vi, Ált­tá Helse­lag ja Ner­sko­gen IL, ráhka­dan. Nub­bi bálg­gis mas lea alit ivd­ni, manná vi­idáse­ap­pot vár­rečo­hk­kii.

Ádjá­na sul­lii guok­te di­im­mu vázzit ba­jás, ja lea 4 kilomeh­te­ra gu­h­kes mát­ki, čil­ge Finn­márk­ku fyl­kk­agi­el­da pre­as­sa­dieđáhu­sas. Vár­rečo­h­kas lea girji masa čá­li­stat na­ma, ja mas sáhtát vuoitit juoidá go vázzinái­godat loa­h­pa­huv­vo. Vár­rečo­hk­ka lea maid ok­ta dain logi čo­hkain Ált­tás, masa ávžžu­hit olbmuid vázzit.

Álbmot ja fá­ga­jury ovt­ta oai­vi­lis

Finn­márk­ku fá­ga­jurys lea se­am­ma boađus go álbmot­jurys go lo­hket ah­te «Vest­re Bor­ras» Ált­tá suo­hka­nis lea buore­mus vázzin­bálg­gis Finn­márk­kus. Fá­ga­jury lea ad­dán ollu čuog­gáid «Vest­re Bor­ra­sii».

Eavtt­ut gil­vvus le­at ah­te vázzin­bálgái galgá le­at ad­don ruhtade­ap­mi «Tur­skilt­pro­sjek­tet i Finn­mark» bok­te. Bálg­gis galgá le­at dop­pe gos olbmot or­rot ja vánd­dardit, ja galgá čađa­huv­vot doaibma- ja már­ka­nastin­do­aibma dan ovd­das. Bálgás galgá le­at bisá­nan­bái­ki la­h­ko­sis. Das galgá le­at vásáhus­kva­litehta, luon­du-, kul­tuv­ra-, da­hje luond­dukva­litehta mii da­hká bálgá gea­suhead­djin.

Rámida Ált­tá

Fá­ga­jurys led­je Tri­ne Vek­seth Gjen­si­di­ges­tif­tel­sen, Ro­bert Grei­ner Finn­márk­kuop­mo­da­gas ja Juli-an­ne Sta­ven Finn­márk­ku fyl­kk­agi­eld­das.

– Lea buor­re go me­ark­kašup­mi ad­do vázzin­bálgá ovd­das mii lea Ált­tás , lo­hká Juli-an­ne Sta­ven pre­as­sa­dieđáhu­sas.

– Ál­tá lea bu­res bar­gan máŋ­ga jagi oažžut bálgáid ja mát­kki­id buore­bun ja olá­mud­dun eat­na­si­id­da. Sii bar­get hirbmat bu­o­ri barg­gu, joat­ká Sta­ven.

Váz­zinge­aidno­proše­ak­ta

Gjen­si­di­ges­tif­tel­sen ja fyl­kk­agi­eld­dat le­at ovt­tas­bar­gan doar­jjaortnegi­in riik­kadá­sis mii guoská

váz­zinge­aidno­proše­avt­tai­de, ja doar­jjaort­net lea suo­hka­ni­id­da, eak­to­dáhto­laš serv­vii­de ja jo­av­kkuide. Miht­tu lea gil­korastit bálgáid ja vázzin­máđi­jaid mat le­at čoa­hkke­báik­ki­id ja gáv­pogi­id la­h­ko­sis.

Gjen­si­di­ges­tif­tel­sen ja riik­ka fyl­kk­agi­eld­das lea ok­ta­saš čuolá­datsát­ni «dál galgá merke­juv­vot miehtá riik­ka».

Dat 100 mil­jovn­na maid le­at juollu­dan 2014 rájes, de gil­ko­ras­tet ja merke­jit badje­laš 40 000 kilomeh­te­ra bálgáid ja lahtuid, mii lea se­am­ma gu­hku go ekváhto­ra bir­ra, čál­lá fyl­kk­agi­el­da pre­as­sa­dieđáhu­sas.

Mer­ken­n­juolg­ga­du­sat

Vázzin­luot­tat mat ožžot doar­jagi­id čuv­vot našuná­la njuolg­ga­du­said mo­vt mer­ke, gil­ko­rastá ja mo­vt gra­de­re bálgá. Dat boahtá ov­dan Mer­ken­gi­ehta­gir­jjis maid Norg­ga tu­rista­se­ar­vi, Olgos­tal­lan­ráđi­id Riikk­aliht­tu ja In­no­vašuvd­na Nor­ga lea ráhka­dan. Bu­ot gil­ko­ri­in lea doaibmame­arka ja muh­tun bálgát le­at ivn­ni­id miel­de, nu go ruoná mii lea ál­ki­mus, alit, ruok­sat ja čáhpp­at mii lea vád­dáse­amos da­hje lo­si­mus.

Finn­márk­kus lea juollu­duv­von guht­ta mil­jovn­na ruvnno vai Finn­már­ku­laččat ja earát bes­set vánd­dardit oadje­ba­sat bálgáid miel­de ol­les fyl­kkas, čál­lá fyl­kk­agi­el­da pre­as­sa­dieđáhu­sas.

Gov­ven: In­ger Ma­ri­ta Bals

VÁRD­DUS: Vest­re Bor­ras lea namma­duv­von le­at buore­mus vázzin­bálg­gi­sin Finn­márk­kus. Dop­pe lea hui várd­dus si­h­ke Ált­távuo­na ja Fálle­joga badjel.

Newspapers in Northern Sami

Newspapers from Norway

© PressReader. All rights reserved.