HOROSKOHPA - boahtte vahkku

FIERCA 21/3-19/4

Dál leat viššal ovttastallat earáiguin ja ovttasbarggat singuin bures, muhto dan seammás lea dutnje dehálaš rámiduvvot ja vuorddát maid doškestuvvot oalgái buori barggu ovddas. Don maid njuorrasat rámiin, muhto fertet maiddái dulkot daid sániid duogáža, de vuohttát lea go su rápmi duođalaš vai áigu go juoga dainna juksat.

VUOKSÁ 20/4-21/5

Dus lea dál buorre oktavuohta iežat birrasiin ja hálešteapmi manná njuovžilit. Sihke guoibmi ja eatnašat vásihit du leat vuogasin ja hávskái, ja erenoamážit vahkkoloahpas vuohtát romantihka dovdduid. Barggus dahje skuvllas deaividat hástalusaid mat gáibidit ovddasvástádusa dahje šattat hálddašat muhtin riiddu. Dál livčče vuogas áigi borrandábiid rievdadit dahje sajáiduhttit ođđa lášmmohallandábiid.

JUMEŽAT 21/5-21/6

Barggus dahje skuvllas vásihat juoga suohttasa dahje positiivvalaš dagu, vaikke leaš bálkálasáhus, dahje ovttastallandáhpáhus, dahje ain eanet gaskavuođa ovdáneapmi muhtin bargoskihpáriid. Muhto jus šaddá menddo ollu ovttastallan, de sáhttá dat váikkuhit geatnegasvuođabargguide. Ráhkesvuođagaskavuođas lea dehálaš čielga linjjáid čájehit ja lebbet koarttaid beavdái, vai rámmat ja ovddidanvejolašvuođat leat áddehahtti ja dohkálačča guktuide.

REABBÁ 22/6-22/7

Muhtin jearrá dus rávvaga ja veahki, muhto galggat leat áibbas sihkkar man birra hálat ovdalgo vástidat. Sihke romantihkka ja erotihkka lea dál dehálaš, muhto de doalat iežat das eret eanet go lávet, soaitá don fertet botket muhtin rájáid vástidan dihtii bovdehusa dahje ieš baicce dahkat bovdehusa. Dat lea dan veara, go olbmot oidnet dus dál dan vuogašin ja miehtemielalaš beallin.

LEDJON 23/7-22/8

Don leat sihke duostil ja vuovdnái ja muhtimat áddejit du leat suhtus. Don sáhtát garvit riidduid jus leat dihtomielalaš mo áššiid ovddidat ja logat logi rádjái jus hárdašuvat. Jus ovddidat juoga dehálašvuođa mii guoská buohkaide ruovttus dahje bearrašii, de šaddabehtet ovtta oaiviliid daid vuođđoeavttuide ja dan vuođul mearridit. Ieš gal hálat jáhkkun.

BUHTISNIEIDA 23/8-22/9

Barggus leat johtil ja mášoheapme ja álkidit hárbmaluvat bargoskihpáriid ala. Sáhttet šaddat menddo olu doaimmat oktanaga, ja dovddat leat guovddážis dáhpáhusain, go olbmot čađagaskka čuojahit, čállet e-poasttaid dahje bovdejit du fárrui. Eará sániin dadjon, de lea hástalus riidit máŋga ášši mat eai leat nu dehálaččat, ja baicce doalahit daid áššiide mat dutnje leat dehálaččat.

VIEHKAT 23/9-22/10

Dál lea beaivváš du násttis ja danin vásihat ođđa movtta, erenoamážit guoská dat dutnje geas lea dán vahkus riegádanbeaivi. Dál fertet smiehttat dárbbuidat birra, ja mo dat vuostáiváldojit, vai sáhtát plánet ja hutkat rievdadusaid mat ovdánahtášedje du ovdáneami. Ruđat leat dál luvvos, ja dat buorredovdu maid fáhkkestaga-oastin buktá, sáhttá gokčat daid guhkitáigge váikkuhusaid. Dus sáhttá šaddat miella gávppašit badjelmearálaččat.

SKORPIUVDNA 23/10-21/11

Dál čuovggat šiegavuođain mii addá buorredáhttu. Dál lea vuogas áigi soabadallat, go don leat diplomáhtalaš ja oainnát áššiid máŋgga bealis. Muhto go dál háliidat ráfálaččat eallit ja garvit riidduid, de sáhttá šaddat nu ahte don dohkkehat soahpamušaid dan sadjái go čorbmadit beavdái gokko galggašit. Ruovttus leat eanet gierdameahttun ja fertet várra bargat dainna doalahan dihtii buori vuoiŋŋa.

BÁHČČI 22/11-21/12

Don válddát badjelasas bargguid masa it leat geatnegahtton go dovddat ovddasvástádusa ja ovdamorraša earáide. Siskkáldasat háliidat leat veahkkái ja doarjjan, dahje dovddat earát gáibidit dan, ja danin ii leat dus eará válljen vejolašvuohta. Jus smiehttagoađát vuđolaččat manin nie dagat, de áddegoađát buorebut mii ii leamaš nu dihtomielalaččat dahkkon. Dál lea vuogas áigi mediteregoahtit.

BÁKTEBOHKKÁ 22/12-19/1

Dál vuoruhat ollu áiggi bargoeallimii ja dus lea autoritehta maid bargoskihpárat ja hoavddat bidjet merkii. Muhtin hástalusa barggus dahje skuvllas it galgga manahit, go dál sáhtašit hástalusaid dohppet smiehtakeahttá. Ustitbirrasis dahje muhtin idealisttalaš joavkkus oaččut áddejumi oainnuidat, muhto smiehtas fal ahte háliidat go dáid doaimmaide geavahit iežat áiggi.

ČÁHCEOLMMÁI 20/1-18/2

Jus háliidat badjelabbui goargŋut barggus dahje skuvllas, de fertet dál plánet, gorgŋet dan guvlui ja bargat dihtomielalaččat daid mihtuid guvlui masa leat mearridan. Dál lea vuogas áigi ovdánahttit daid máhtuid maid leat háhkan alccet. Dus leat dál ollu návccat ja vuoibmi maid sáhtašit geavahit, muhto dat soaitá čuohcat daid ovttasbargoattáldagaide mat dus leat. Jus guldalat earáid rávvagiid, de oaččut veahki ja doarjaga.

GUOLIT 19/2-20/3

Muhtima oaivil dahje eallinoaidnu boktá dus sáhkkiivuođa ja sáhttá rahpat uvssa ođđa ja arvvosmahttin birrasiid, ii daga maidige jus álggos eahpidat. Eahpit iežat, go dus lea miella dahkaluddat ahte dáid áššiid dovddat bures, vaikke it daga dan. Guhkitmátki fuomášupmi álgá dál duohtan dahkkot, muhto geatnegasvuohta dahje ruđalaš dilli sáhttá dan caggat.