HOROSKOHPA - boahtte vahkku
FIERCA
21/3-19/4
Olbmuid gaskasaš oktavuođat, ráhkisvuohta ja eallima geahppaset áššit leat guovddážis dán vahkku. Dál gulahalat bures guimmiinat, ja ovttaseallin lea buorre. Ovttaskas olbmot geahppasaddet. Du geasuheaddji luondu sáhttá leat ávkin jus hoavda lea beare gáibidahkes. Dál sáhtát ruđa atnit suohtas doaimmaide mánáiguin ovttas. Dán vahkku sátni: Bosihit!
VUOKSÁ
20/4-21/5 Álgovahkku it dárbbat hohpohallat nu bearehaga. Gasku vahkku rájes šaddá fiinna áigodat barggus. Dál sáhttet ođđa vejolašvuođat boahtit, lea ge fal áicil vai it manat daid. Dál fokuseregoađát eanet iežat dearvvašvuhtii ja dearvvašvuođadábiide. Vahkkoloahpa heive suohtas sosiála deaivvademiide searvat.
Dán vahkku sátni: Feara mii!
JUMEŽAT
21/5-21/6A
Ale heađástuva jus áššit eai ovdán nu go galggaše álggus vahkku. Vuorddes moadde beaivvi, de oainnát ahte manná bures. Gasku vahkku šattat eanet sosiála ja roahkkat. Don ja du lagamusat servvoštallabehtet iešguđetlágan suohtastallanbáikkiin. Dearvvašvuohta lea buorre, ja dus lea olu energiija. Dál soaittát fuomášit duoid dáid, go leat hui hutkái.
Dán vahkku sátni: Hutkái!
REABBÁ
22/6-22/7 Álgovahkku soaittát iežat bearrašiin ovttas muittašit somás dáhpáhusaid. Dál oasttát maiddái ođđa dávviriid ruoktot, ja sidjiide geat doppe orrot. Don soaittát searvat muhtin sosiála lágideapmái barggu oktavuođas. Dál soaittát maid gulastit juoidá mii lea miellagiddevaš, ja mii sáhttá dutnje leat ávkin, soaitá leat buorre vejolašvuohta ođđa fierpmádaga hukset.
Dán vahkku sátni: Ruoktu lea ruoktu!
LEDJON
23/7-22/8
Don leat čeahppi humahit earáid, ja dat lea hui ávkkálaš dál. Muhtin sosiála lágideamis soaittát maiddái deaivvadit muhtumiin gii šaddá hui dehálaš olmmožin dutnje. Bargoáššit leat njoazit, muhto don doaimmahat dan maid galggat. Ruhtadilli lea buorre. Vahkkoloahpas sáhtát buori olbmá hástit mielde meahccái vuolgit, ovdamearkka dihte vázzinmátkái dahje dušše bartii vuoiŋŋastit.
Dán vahkku sátni: Mátkái!
BUHTISNIEIDA
23/8-22/9
Dearvvašvuohta lea buorre, ja dus lea olu energiija dán vahkku. Dál hohpohalat issorasat. Gasku vahkku buorrána ruhtadilli. Lea ge árvvas. Skeŋke áinnas ruđa dihto buori ulbmilii, de soaitá fas alccet goaikkehit stuorebuš ruhtasupmi fáhkkestaga. Romantihkka lea harmonalaš! Dán vahkku sátni: Spirituála buresveadjin!
VIEHKAT
23/9-22/10
Dál soaitá juste dus juoga maid ávvudat? Lihkku beivviin dutnje, geas lea riegádanbeaivi! Don leat áŋgir, ja sáhtášit álggahit juoidá. Leat optimisttalaš boahtteáiggi dáfus. Dearvvašvuohta buorrána, ja dál oaččut eanet návccaid. Dán áigodaga heive bures sosiála doaimmaide searvat, du oahppásat han leat sii geat du dorjot buoremusat. Suohtastala! Dán vahkku sátni: Olbmát veahkehit!
SKORPIUVDNA
23/10-21/11
Dus leat olu doaimmat dál. Jus leat fal sorran iežat dramatihkkii barggus, de soaitá heivet ovdamearkka dihte ruovttukantuvrras bargat oanehaš. Spirituála áigi lea boađi boađi, ja dus lea rádároaidnu. Searvva eaktodáhtolaš bargguide, go dat sáhttá leat ávkin karrieara dáfus.
Dán vahkku sátni: Čihkosis!
BÁHČČI
22/11-21/12
Dán vahkku ovttasbarggat earáiguin. Soaittát maid deaivvadit olbmuiguin geat áiggi mielde šaddet dehálažžan dutnje. Joavkobarggut lihkostuvvet, ja dainna leat hui duhtavaš. Dál soaittát maiddái oažžut buori vejolašvuođa, dohppe liibba! Vahkkoloahpa suohtastalat ja servvoštalat olbmáiguin! Dán vahkku sátni: Ovttasbargoguoimmit!
BÁKTEBOHKKÁ
22/12-19/1
Dál fokuseret karrierii, ja iežat áigumušaide. Don soaittát gulastit juoidá, ja dat sáhttá leat ávkin alccet. Dál lea positiiva áigodat. Doalat iežat plána, de lihkostuvat. Dál sáhttá barggus čuožžilit dramatihkka, dat ii guoskka dutnje, muhto hovdii ovdamearkka dihte. Ale jierásmuva, áššit njulget fas.
Dán vahkku sátni: Barggán!
ČÁHCEOLMMÁI
20/1-18/2
Dál heive bures sihke plánet mátkki, ja vuolgit mátkkoštit. Leat maiddái optimisttalaš ja roahkkat. Don suohtastalat olbmáiguin ovttas. Jus fal dovddat ahte lea áigi ođđa bálgáid guorrat, de daga dan. Luohte alccet. Lihkku ain viidáset!
Dán vahkku sátni: Inspirašuvdna!
GUOLIT
19/2-20/3
Dál heive iskkahit dearvvašvuođaáššiid maid soaittát leat duššindahkan. Don dovddat gamus duoid dáid. Dus lea buorre bargodilli dál, ja nákcet bures ovttasbargat bargoustibiiguin. Buorre! Ráhkisvuohta lea liekkus ja hipmui. Dál ohcalat maiddái vástádusaid čiegusvuođaide.
Dán vahkku sátni: Dat lea duohta!