I ja gávttiide
Adusat:
si min oktasaš historjjás našuvdnan, muitala Ingeborg.
Son maid muitala ahte sivvan manne son lea válljen čiekŋudit mánáidgárddiid sámi gelbbolašvuhtii, lea iežas vásáhusaid dihte mánáidgárdebargin ja maiddái go čájehuvvo ahte lea unnán gelbbolašvuohta sámiid birra.
Sámediggeráđđi atná raportta bohtosiid buorrin
Sámediggeráđđelahttu Mikkel Eskil Mikkelsen lea ožžon mielde ahte UDIR lea almmuhan dan raportta. Son ii leat lohkan olles raportta, muhto lea lohkan dan čoahkkáigeasu. Son atná bohtosiid buorrin ja oaivvilda ahte raporttas boahtá čielgasit ovdan makkár buoredanvejolašvuođat leat.
– Raporttas boahtá bures ovdan ahte lea unnán máhttodat. Das oaidnit ahte lea hástalus implementeret sámi sisdoalu oahpahussii, mii lea midjiide vuolggasadji mo sáhttit buoredit, muitala sámediggeráđđelahttu.
Son maid imašta go dakkár dilli lea mánáidgárdesuorggis, mo de lea skuvlasuorggis.
Vuordámušat Oahppodepartementii
Mikkelsen muitala ahte go raporta lea čadnon dáčča mánáidgárddiide, de ii leat Sámedikkis olu čuovvulanvejolašvuohta, muhto son aŋkke berošta áššis ja bidjá vuordámušaid eiseválddiide.
– Mun vuorddán ahte eiseválddit ja departemeanta váldet bohtosiid duođalažžan ja čuovvulit nu mo sáhttet vai mánáidgárddiin galgá vejolaš duostut sámi sisdoalu mánáidgárdeoahpahussii. Rámmaplánas leat gáibádusat sámi sisdoalu ektui. Mii eat sáhte menddo olu vuordámušaid bidjat mánáidgárddiide ahte sámi sisdoallu sajáiduvvu ovtta beaivvis, muhto ieža maid láhčit vejolašvuođaid ja dili nu ahte sámi sisdoallu nannejuvvo mánáidgárdeoahpahusas, muitala Mikkel Eskil Mikkelsen.
Son muitala ahte gaskaraporttas galgá boahtit čuovvoleapmi mas čiekŋuduvvo mánáidgárddiid sámi sisdollui.