Oallugat evakuerejuvvon UĐĐASA DIHTE
Máŋga viesu ja bartta leat evakuerejuvvon uđasvára dihte Storsandnesas Álttá gielddas. 200 olbmo ledje árat dan vahkkus isolerejuvvon uđđasa maŋŋel sotnabeaivvi rájes.
Mánnodaga dieđihii Álttá suohkan neahttasiiddus ahte uđđasa dihte leat eavkueregoahtán olbmuid viesuin ja barttain Storsandnes-guovllus Lákkovuonas Álttá suohkanis. Mánnodaga ledje golbma olbmo evakuerejuvvon.
Politiijat evakuerejedje sotnabeaivvi Lákkovuona áidna fásta ássiid go luottat leat guovtte guvlui gitta, oarjjabealde Álttá, uđđasa ja uđasvárra dihte, muitala operašuvdnajođiheaddji Bjørn Tormod Syversen.
Geainnut gitta
Čieža mehtera alla uđas giddii sotnabeaivvi fylkkageainnu 8830, ja isolerii 100 olbmo barttaide ja 100 fásta ássiid Skirvvi guovllus.
Geainnu soitet rahpat fas áramusat ihttin, jus dálkki ja sihkkarvuođadeasta ektui sáhttá čorgegoahtit luotta maŋŋebárgga rájes.
– Lea mearkkašahtti bargu mii ferte dahkkot vai geainnu sáhttá rahpat. Sihkarvuohta sidjiide geat galget barggu čađahit, lea deháleamos, dadjá Álttá gieldda sátnejođiheaddji, Monica Nielsen, ovcci áiggi vuossárgga iđida.
Ii jáhke šaddat fanasfievrrideami
Son doaivu ahte maŋŋebárgga ožžot olbmot geat fertejit bargui oažžut fanasfievrrideami.
– Dál lea heajos dálki guovllus, iige leat jáhkehahtti ahte šaddá fievrrideapmi odne. De lea sáhka olbmuid fievrrideamis, iige biillaid. Oallugat leat vuolgán biillain bartii, muitala Nielsen.
Ii leat jáhkehahtti ahte olbmot leat váldon uđđasii, go uđasvárraguovllut leat olggobealde gili. Son dadjá ahte olbmot geaidda uđas čuohcá, leat hárjánan uđasvárrii, sis lea biebmu ja boaldenmuorat, iige leat kritihkalaš dilálašvuohta. Muhtimat leat váldán oktavuođa gielddain go dárbbašit dálkasiid, ja dan ordne gielda.
Vuodjit Suoma čađa
Olu eará geainnut gielddas leat git