HOROSKOHPA - boahtte vahkku
FIERCA 21/3-19/4
Spirituála áššit leat ain guovddážis. Dál lea áigi go smiehtat olu, ja erenoamážit dan birra movt iešguđet áššit váikkuhit du eallimii. Don servvoštalat iežat olbmáiguin ja bargoustibiiguin. Buorit digaštallamat leat ávkin alccesat. Bargodilli lea buorre, ja nu lea maiddái ruhtadilli. Doarjjut buriid ulbmiliid maidda liikot.
Dán vahkku sátni: Luohte alccesat!
VUOKSÁ 20/4-21/5
Dál asttat searvat iešguđet joavkkuid, main leat miellahttun, doaimmaide. Ođđasat mat bohtet olgoriikkas veahkehit du ipmirdit dihto ášši buorebut, ja dat sáhttá dutnje leat ovdamunnin barggu oktavuođas. Gasku vahkku soaittát dovdat eahpesihkarvuođa, ja dat lea dan dihte go Mánu energiijat eai leat nu buorit dál. Dat ii biste guhká. Vahkku loahpas sáhtát mánáiguin ovttas suohtastallat, oastit sidjiide ođđa dávviriid dahje eará. Suohtastala fal!
Dán vahkku sátni: Áicil!
JUMEŽAT 21/5-21/6
Dán vahkku barggat áŋgirit ja doaimmahat olu barggus. Hoavda oaidná dan. Máksu lea dađi mielde. Olgoriika lea ain dehálaš man nu ládje, don soaittát mátkkoštit vuolgime. Vahkkoloahpa lea suohtastallan ja romantihkka vuordimis. Ovttaskas olbmot sáhttet dál ráhkásmuvvat. Doai guimmiin, jus dus lea, návddašeahppi liekkus ráhkisvuođa.
Dán vahkku sátni: Bargomokta!
REABBÁ 22/6-22/7
Barggus dáhpáhuvvet dál áššit čihkosis. Ale seagut iežat daidda, baicce vuordde ja muitte fal ahte lea álo buoremus earáiguin gulahallat ja ovttasbargat. Iežat olbmás soaittát dál gullat miellagiddevaš sága. Don soaittát dál leat mátkkis iežat bearrašiin, dahje pláneme singuin vuolgit mátkkoštit. Sis, geain lea guoibmi, lea dál liekkus ja buorre áigodat ráhkisvuođa dáfus. Ovttaskas olbmot suohtastallet gávpogis.
Dán vahkku sátni: Čiegusvuođat!
LEDJON 23/7-22/8
Don leat hutkái dál. Sosiála čoahkkanemiin fuobmát vel feara maid, ja šattat vel hutkábun. Jus searvvat daidda rievttes lágidemiide, de lea dat ávkin barggu dáfus. Romantihkka lea buorre. Jus dus lea guoibmi, de lea dál ráhkisvuohta hirbmat liekkus. Sii, geain ii leat guoibmi, suohtastallet ja geahppasaddet olgobáikkiin.
Dán vahkku sátni: Arvat!
BUHTISNIEIDA 23/8-22/9
Vaikko mo dál de leaš eallimis, de lea goit romantihkka vuordimis dán vahkku. Jus hoavddain gulahalat, ja sutnje čájehat ahte hálddašat iežat barggu, de soaitá bálká lassánit. Ruhtadilli lea buorre, ja dal anát ruđa suohtas doaimmaide. Soaittát dál deaivvadit spirituála olbmuin, gii dahká nana váikkuhusa dutnje. Dus leat dál eanet idealisttalaš jurdagat.
Dán vahkku sátni: Deaivvadeapmi!
VIEHKAT 23/9-22/10
Eanemus návccaid bijat dál beaivválaš bargguide. Maiddái dearvvašvuohta lea dehálaš dál. Sáhtášit árvvoštallat berret go buoridit borrandábiidat ja eará dábiid. Muđui lea dearvvašvuohta ja energiija buorre, muhto das lea maid buoridanmunni. Don hávskkohalat bearrašiin ovttas. Heivešii bures plánet mátkki dál.
Dán vahkku sátni: Plánen!
SKORPIUVDNA 23/10-21/11
Dán áigodaga suohtastalat ja geahppasattat ovdamearkka dihte gávpogis. Soaittát vel leat nu lihkkoš ahte dihto čoahkkaneamis deaivvadat muhtimiin, gean lea ovdamunnin dovdat bargoeallima dáfus. Leat čeahppi fuobmát guđiid sániid heive dadjat iešguđet dilálašvuođain. Anát maiddái ruđa iežat bearrašii. Vahkkoloahpa sáhtát olbmáid bovdet iežat guossái.
Dán vahkku sátni: Lihkku!
BÁHČČI 22/11-21/12
Dis soitet dál muhtimat áŋgirit Zooma bokte searvat logaldallamiidda. Ruovttus bargat ja gulahallat earáiguin, geat leat olgoriikkas. Don soaittát áigume mátkkoštit vuolgit, ja jurddašeame gosa ja goas vuolggát. Vahkku loahpas lea dus lihkku. Jus dál ovdanbuvttát áššiid maid leat hutkan, de soaitá dain šaddat buorre boađus. Dán vahkku sátni: Čielga mihttomearit!
BÁKTEBOHKKÁ 22/12-19/1
Jus álgovahkku arvvat oaiviliiddát ja jurdagiiddát ovdanbuktit, de soaittát lihkostuvvat. Dál dáiddát lihkostuvvat iežat áigumušaiguin, erenoamážit ruhtaáššiide guoskevaš áigumušaiguin. Jus dál máhtát riekta vuoruhit, de manná bures. Gulahallan lea dehálaš, erenoamážit barggu oktavuođas. Lea álo buoremus ovttasbargat earáiguin.
Dán vahkku sátni: Rievttes sánit!
ČÁHCEOLMMÁI 20/1-18/2
Dutnje leat olbmát dál hui dehálaččat. Searvvat áŋgirit iešguđet joavkkuid doaimmaide. Gasku vahkku dovddat ahte dus leat olu liigenávccat, ja veajášit bargat vaikko maid. Dus leat olu miellagiddevaš vejolašvuođat. Ruhtadili dáfus lea buorre áigodat. Dál anát maiddái ruđa sosiála doaimmaide.
Dán vahkku sátni: Olbmá veahkki!
GUOLIT 19/2-20/3
Álgovahkku it berre doapmat mearridit maidege, ja ii buot soaitte álo leat nu go orru. Olu Guliin lea riegádanbeaivi dán vahkku, suohtastallet fal! Ráhkisvuohta lea idealisttalaš. Vahkku loahpas soaittát liikostit muhtin bargoustibii. Dihto dáhpáhusa dihte oaidnigoađát su eará čalmmiiguin. Dán vahkku sátni: Bovdehus doaluide!
Horoskohpa ráhkadan: Tore Lomsdalen www.astrolom.no