UKM lágiduvvo Guovdageainnus
UKM fylkkačoahkkaneapmi Romssas ja Finnmárkkus lea heaittihuvvon, muhto Guovdageainnu kulturskuvla áigu nuoraide lágidit báikkálaš UKM deaivvadeami.
Koronadilálašvuođa geažil lea Romssa ja Finnmárkku fylkkasuohkan mearridan heaittihit UKM/ NKD fylkkačoahkkaneami, mii galggai lágiduvvot dán giđa. Dan sadjái fállá fylkkasuohkan suohkaniidda lágidit báikkálaš deaivvademiid main fállet nuvttá kurssaid nuoraide.
Stuorra beroštupmi
Guovdageainnus leat ovdal lágiduvvon UKM/NKD gilvvut, ja daidda lea leamaš stuorra beroštupmi. Diibmá leavvagođii koronavirus Norggas giđđat, ja danne
KÁRÁŠJOHKA
Bearjadat
Sotnabeaivi
GUOVDAGEAIDNU
Bearjadat
Lávvardat
Sotnabeaivi
PORSÁŊGU
Bearjadat ledje diimmá gilvvut maid heaittihuvvon. Kulturskuvlla jođiheaddji muitala ovdal korona lávii nuorain leat stuorra beroštupmi kulturdeaivvadeapmái.
– Ovdal ledje UKM doalut hui stuorrát ja nuorain lei stuorra beroštupmi dasa. Livčče hui buorre jus oažžut johtui muhtin fálaldaga báikkálaš nuoraide dál go buot eará lea heaittihuvvon, dadjá kulturskuvlla jođiheaddji, Marie Kvernmo.
Nuvttá kursa
Deaivvadeamis eai galgga nuorat gilvalit, muhto dušše oassálastit kursii man suohkan fállá nuvttá. Kulturskuvla beassá diŋgot ovtta kurssa, ja leat iešguđet kurssat maid sáhttet válljet. Oahppat čállit čáppagirjjálašvuođa, grafihkalaš design, hiphop/street dánsun, dánsunbargobádji dahje lávlun ja musikála. Kulturskuvlla jođiheaddji muitala sii eai leat vuos mearridan guđe kurssa áigot lágidit.
AVVIL
Bearjadat
Sotnabeaivi
HEAHTTÁ
Bearjadat
Sotnabeaivi
ROMSA
Bearjadat
– Mii háliidat gullat nuorain makkár kursii livčče beroštupmi searvat ovdal go diŋgot, dadjá Kvernmo ja muitala son lea kulturskuvlla bealis juohkán dieđuid dán fálaldaga birra kulturskuvlla Facebook-siidui ja Guovdageainnu diehtojuohkintávvaliidda Facebookas. Son áigu maid juohkit dieđuid skuvllaide.