HOROSKOHPA - boahtte vahkku
FIERCA 21/3-19/4
Vahkku álggahuvvo du jiellat ávvubeivviin, dieđusge ávvudat beaivvi lagamusaiguin! Maŋŋelaš oaččut vejolašvuođa viiddidit fieskki. Soaittát mátkki velá plánegoahtán. Barggus lea buorre dienas. Galggat áinnas digaštallat prošeavttaid bargoskihpáriiguin. Don čuovut maid mielde mii ruovttus geavvá. Vahkkoloahpa galggat vuoiŋŋastit. Dán vahkku sátni: Ávvudeapmi!
VUOKSÁ 20/4-21/5
Dát vahkku álggahuvvui nationálabeaivvi ávvudemiin ovttas lagamusaiguin. Dan mii dárbbahit dán dilis. Don bijat sihke áiggi ja ruđa iežat mánáide. Dál sáhtát maid deaivvadit olbmuiguin geat sáhttet dahkat dehálaš rievdadusaid du eallinoainnu ektui. Dat geavvá juogo du olbmáid dahje fierpmádaga čađa. Dán vahkku sátni: Olu lihkku!
JUMEŽAT 21/5-21/6
Don liikot ávvudemiide, ja Norgga nationálabeaivi lea ge liiba dasa. Gaskamuttus vahkku ávvuda okta oassi dis riegádanbeivviid, Olu lihkku! Dus lea buorre mokta, ja jus čuovut plánaid, de lea vejolaš olahit mihtuid. Ráhkisvuohta lea girjái. Muhtin soaitá irgalit bargoskihpárii.
Dán vahkku sátni: Du áigi!
REABBÁ 22/6-22/7
Don leat virkui, vaikko vel álggahat vahkku ávvudemiin. Don nagodat jorgalahttit dilálašvuođaid iežat miela mielde. Barggu dáfus maid rahpasit buorit vejolašvuođat. Dus lea olu energiija. Go vahkkoloahppa lahkona, de nagodat bosihit. De lea dehálaš ahte válddát gulul ja guldalat maid rumaš dárbbaša. Dán vahkku sátni: Dássedeaddu!
LEDJON 23/7-22/8
Álggus vahkku lea dehálaš beaivi, dieđusge ávvudat! Don doalahat dan buori dovddu, go mihtut maid ledjet bidjan leat čájehišgoahtán bohtosiid. Don soaittát oažžut buriid ođđasiid. Don barggat čađat dan nammii ahte viiddidit fierpmádaga, ja ođđa ja gelddolaš olbmot šaddet dehálažžan ovddas guvlui. Návddaš!
Dán vahkku sátni: Ja vi elsker! nationálalávlagis
BUHTISNIEIDA 23/8-22/9
Don álggahat vahkku ávvumielain. Vaikko soaittát leat bargomátkkis olgoriikkas, de liikká ávvudat beaivvi. Dás rájes vásihat buori áigodaga barggus. Bargonávccaid ovddas olahat buriid bohtosiid. Vahkkoloahpas soaittát deaivvadit muhtimiin gii addá inspirašuvnna ja ođđa jurdagiid. Doarjjo buori ášši. Jus olbmos lea, de galgá juogadit. Dán vahkku sátni: Bajásguvlui!
VIEHKAT 23/9-22/10
Nationálabeaivvi ávvudeapmi addá buori álggu dán vahkkui, návddaš! Liikká leat beroštuvvan olgoriikkas, kultuvrras, mátkkiin ja inspirašuvnnain. Muhtin viehkagat sáhttet leat mátkkis, leaš dál priváhta dahje barggu oktavuođas. Du olbmát ja muđui oktavuođat addet positiivvalašvuođa du eallimii. Árgabeaivválaš bargguid doibmet bures. Don nákcet olu.
Dán vahkku sátni: Inspirašuvdna!
SKORPIUVDNA 23/10-21/11
Nationálabeaivvi ávvudat lagamusaiguin. Dieđusge lea lohpi suohtastallat. Seammás beroštat čiekŋudit ráhkisvuhtii. Soapmásat soitet árvvoštallame galget go lávket viidáset. Muhtimat ges soitet čiegusvuođas irggástallame dahje álgaleame ovttain bargoskihpáriin. Vuorut dan dehálepmosa.
Dán vahkku sátni: Čiegusvuohta!
BÁHČČI 22/11-21/12
Dán vahkku sáhtát illudit buriin oamedovdduin, áigi ávvudit! Dearvvašvuohta ja mokta lea buorre, ja du erenoamášvuođat bohtet oidnosii. Dutnje lea hirbmat dehálaš servvoštallat, juogo albma máilmmis dahje virtuálalaččat. Du smáđáhkesvuohta boahtá maid ávkin bargoeallimis.
Dán vahkku sátni: Smáđáhkes!
BÁKTEBOHKKÁ 22/12-19/1
Mánáid dihte háliidat ávvudit nationálabeaivvi, suohtastala! Dán vahkku heivešii maid bovdet olbmáid ja bearraša boahtit galledit. Árgabeaivválaš barggut mannet njuovžilit. Ruhtadilli maid bissu dássedit. Loahpas vahkku oaččut inspirašuvnna mii boahtá buorrin dearvvašvuhtii ja borrandábiide.
Dán vahkku sátni: Bearašeallin!
ČÁHCEOLMMÁI 20/1-18/2
Vahkku álgá ávvudemiin, hurra! Ale liiggástala, muđui dáiddát vásihat ahte eará beaivvit mannet nu njozet. Don beroštat dearvvašvuođas ja borrandábiin. Loahpas vahkku molsašuddá dus energiija ja ráhkisvuohta šaddá dehálažžan. Buohkat návddašit eallima.
Dán vahkku sátni: Dábit!
GUOLIT
Ávvudat go beare garrasit nationálabeaivvi? Vahkku joatkašuvvá leahtuin. Don leat virkui ruovttus maid. Soapmásat dis sáhttibehtet ruovttus bargat, jus nu heive. Loahpas vahkku sáhttet unohisvuođat čuožžilit mat mielddisbuktet dramatihka ruovttus. Ale jierásmuva, gal dat buorrána. Dán vahkku sátni:
Ruovttohas!