Geassegilvu: Njuikii njunnošii gilvvus
Elle Márgget lea Riddu Riđđu nuoraid campas go Ávvir sutnje riŋge.
– Mun gal dieđusge searvvan, dadjá Elle Márgget.
1. Gii lea Ságat aviissa váldodoaimmaheaddji? – Leago son dat Geir Wulff? √
2. Galle streaŋgga leat dábálaš gitáras? – Das leat guhtta. √
3. Makkár bohcco gohčodit suhkkesoaivin?
– Dat lea dakkár boazu mas leat olu suorggit. √
Elle Márgget máhtii vástidit buot gažaldagaide vuosttaš vuorus, ja dasto oažžu liigegažaldagaid maid. Gii – Onkel lea Vuojašgávpoga Skrue. √ riggámus? Sámegillii: Hánes eahki. Leago Sigbjørn Skåden neavttár vai girječálli? – Girječálli. √ Galle bustáva leat sámi alfabehtas? – Leatgo 28 vai 29? Mun vástidan 29. √ Maid boazu dahkká go dat čallá? – Go námit gahččet. √ Gii nevttii Guovdageainnu stuimmit filmmas Elle?
– Mun in muitte eará go su goarggu, Juuso. Bealle čuoggá. Rievttes vástádus: Anni-kristiina Juuso.
Juohke gilvaleaddji beassá vel geahččalit vástidit ovtta árvádusa. Rukses ivnnat fáttá árvádusat leat váddáseamos ja dain sáhttá čoaggit 15 čuogga. Alit ivnnat fáttá árvádusain oažžu 10 čuogga ja ruoná fáttá árvádusain fas 5 čuogga. Gilvaleaddjis lea minuhta jurddašanáigi.
Elle Márgget vállje ruoksada, dan váddáseamos árvádusa: Báhpa viellja jámii, muhto olmmái guhte jámii, sus ii lean viellja. Movt nu sáhtii?
– Na, báhppa lei nissonolmmoš. √
Čuoggá oktiibuot: 22,5
Dál njuikii Elle Márgget njunnošii, olles 22,5 čuoggáin. – Oh, man somá, nie olu čuoggát!
Juohke gilvaleaddji beassá hástalit ođđa gilvaleaddji Ávvira geassegilvui. Elle Márgget hástala Sara Katrine Aleksandersen searvat geassegilvui.