KEIINO Mgp-finálii: – Manai visot p Lána mielde ikte, lean hui ilus dál!
Lávvordaga lei maŋemuš Melodi Grand Prix (MGP) oassefinála, golmmas besse viidáset ja KEIINO lea okta sis.
Miia, KEIINO ja Annprincess besse ikte viidáset Mgp-finalii. Finála lágiduvvo guovvamánu 3. beaivvi Troandimis ja sáddejuvvo NRK 1:s.
KEIINO beasai viidáset finálii lávlagiin «Damdiggida». Sámi artista Keiino-joavkkus Fred Buljo lea hui ilus ja lohká alddis hui buori dovddu.
– Manai visot plána mielde ikte, lean hui ilus dál! Lean hui ilus go seainnit manne vulos, go geahččaleamis eai obage rahpasan, muitala Buljo ja giitá jienasteaddjiid.
– Hui somá go olbmot muite jienastit min. Giittán dan ovddas, dadjá son.
Ođđa šuokŋa
Fred Buljo muitala sii leat ráhkkanan hui bures, ja oaivvilda iežaset čállán buori lávlaga, «Damdiggida».
– Sávan jienasteaddjit liikojit min ođđa šukŋii. Lei veaháš dehálaš dán háve earálágan šuoŋa hábmet. Jáhkán mii sáhttit olahit guh
kás dáinna, dadjá son.
Dán háve ii gullo luohti KEIINOS, Fred Buljo ráppe.
Ođđa sátni
«Damdiggida» lea ođđa sátni maid KEIINO joavku lea ráhkadan.
– Mearkkaša dan dovddu ahte leat ilus. Lea ođđa sátni maid mii leat konstrueren, dadjá son.
Illudii
Ávvir humai suinn maid ovdal oassefinála. Dalle dajai Fred Buljo iežas illudit issorasat go lea stuorát lávdi gos leat eambbo guldaleaddjit, oktiibuot 9000 olbmo čáhket arenai.
– Jáhkán šaddat hui buorren, illudan issorasat, dajai joavkku sámi artista Fred Buljo geas lei borre dovddu ovdal gilvvuid.
– In leat balus, lean dál hui ládje čohkken jurdagiid. Mii leat dál čađahan geahččalančuojahemiid ja dat lea mannan hui bures. Lea hui buorre dovdu, dál lea šovva nu go galgá, logai son Ávvirii ovdal gilvvuid.
Fred Buljo lohká dán lávllaga váldon bures vuostá.
– Dán háve in juoigga, dál lean ruovttoluotta mannan iežan ruohttasii: ráppii. Ii dárbbaš álohii juoigat váikko lea ge MGP, logai
Fred Buljo. KEIINO lea guktii ovdal gilvalan MGP:S.
Finálajáhkku
Fred Buljo áhčis Klemet Anders Buljos lei ovdal gilvvu buore jáhkku ahte KEIINO joavku beassá loahppagilvui mii lágiduvvo guovvamánu 3. beaivve Troandimis.
– Lean guldalan visot lávlagiid ja mus lea hui jáhkku ahte sii besset finalii. Šaddá hui gelddolaš, lohká Klemet Anders Buljo.
Čeahpes musihkkár
Su mielas lea illudahtti go Fred ráppe ja muitala ahte gánda lea álohii leamašan ráppar.
– Sus lea máilmmi buorre «timing» replihkain, álohii leamašan ráppar, mánnán jo lei lunddolaš. Seammás lea buorre go lávlu ja juoigá go dat addá eambbo vejolašvuođaid, dadjá Klemet Anders Buljo.
Son lea ieš musihkkabuvttadeaddji ja musihkkár, ii ge loga rábmot gándda dušše dan sivas go lea su gánda.
– Fred bargá lohká Buljo. juoidá riekta,