Badjel 5 miljovnna ruvnno Guovdageidnui
Finnmárkku fylkkagielda juohká 70 miljovnna ruvnno ealáhusovddideapmái.
Dán jagáš guovlo- ja regionálapolitihkalaš váikkuhangaskaoamit Finnmárkku fylkkagildii ledje 70,472 miljovnna ruvnno ovddas. Finnmárkku fylkkalávdegoddi lea dál mearridan movt juogadit ruđa.
Guovlo- ja regionálapolitihkalaš váikkuhangaskaoamit galget doarjut ráđđehusa guovllupolitihkalaš ulbmila ahte galget leat báikegottit mat sturrot, gos árvoháhkan buorrána ealáhusain, buorit bálvalus- ja veahkkefálaldagat ja gos lea vejolašvuohta eallit buori eallima.
Erenoamáš boaittobeale hástalusat
Nu go ovddit jagiid ge, de juolluda Finnmárkku fylkkagielda 5,5 miljovnna ruvnno Guovdageainnu suohkanii go suohkan lea nuppástuhttinsuohkan mas leat erenoamáš hástalusat ealáhusain ja servodateallimis.
Nuppástuhttinprográmma galggašii buktit 78 ođđa bargosaji 2019 rájes 2025 rádjai.
Dán jagi lea ortnet suohkaniidda main leat erenoamáš hástalusat nannejuvvon, ja lassin dan ruhtii mii Guovdageidnui lea juolluduvvon, juolluduvvo maid 5,2 miljovnna ruvnno veahkkái ja bagadallamii boaittobealsuohkaniidda main olmmošlohku lea guhkit áiggi njiedjan ja mat guhkit áiggi leat rahčan bargguhisvuođain.
Ruoná nuppástuhttin
Oasseeaiggádin Innovašuvdna Norga Árktisis (INA) juolluda dál Finnmárkku Fylkkasuohkan 36
379 285 ruvnno INAI.
Fylkkasuohkana sávaldat lea ahte INA 2024:s earenoamážit deattuha digitála čovdosiid mat attáše smávit fitnodagaide vejola
švuođa dustet ruoná molsašumi buriin vugiin.
Fylkkasuohkan čujuha vejolaš ovdánahttinsurggiide: Guoddevašvuohta, digitaliseren, gelbbolašvuohta,
Dutkan, ovdánahttin ja innovašuvdna, ja siskkáldas infrastruktuvra ja fievrrideapmi.
Sápmi ealáhusgárdi lea okta ealáhusgárddiin guđet ožžot
doarjaga, sii ožžot 2,9 miljovnna ruvnno.