Asbjørn Kristoffersen

Hus med hage kan bli vanskeleg å oppdriva i heile Bergens-regionen i framtida.

BYFORTETTINGA SOM NO skjer i Bergen, vil truleg spreia seg til omegnskommunane. Fylkeskommunen meiner at folkeveksten på strilelandet må skje i tilknyting til dei viktigaste knutepunkta for kollektivtrafikken, slik som i Bergen. Både byfolk og strilar skal kunna samlast i blokker.

Å få bukt med klimagassar frå personbilane, og skapa grunnlag for ein betre utbygd kollektivtrafikk, er mål for knutepunktstrategien. Tettare utbygging skal også i teorien gje eit meir bymessig, meir mangfaldig gatemiljø. I tillegg kan det vera pengar å spara til offentleg tenesteyting og infrastruktur. Det er billegare for kommunen å ta hand om gamle og sjuke, veg, vatn og kloakk i nye blokker på Slettebakken enn i nye einebustader på Hjellestad.

MEN FOR MANGE unge barnefamiliar har ikkje blokkbustader vore saerleg forlokkande. Når barna kjem, melder gjerne ønskjet seg om eigen hage, med plass til grilling og hoppeslott. Denne draumen har lettast og billegast late seg realisera i omegnskommunane. Barnefamiliar har flytta i hopetal frå Bergen til strilelandet. Det er ei form for byspreiing som politikarane ikkje har rådd med. No kan det koma kjelkar i vegen for flukta til byggjefelt i omegnskommunane.

Blokkifiseringa av landet skjer i tråd med nasjonale, politiske føringar. Marknadskreftene har spelt på lag. I dei store byane har det vore stor etterspurnad etter sentrale, lettstelte husvaere for eldre, kjøpesterke grupper og for unge urbanittar, gjerne med foreldrebistand. Spekulantar har også spelt opp i pengegaloppen.

I BERGEN ER DET saerleg Bybanen som har brøyta veg for den nye fortettinga, for det meste i regi av private utbyggjarar. Det blir rive hus i stort omgang, ikkje berre for å få fram veg og bybane, men også for å gje plass til nye blokker. Det kostar dyrt i innløysing av gamle hus, det