Både investorar og privatpersonar snusar på Bellevue
Restauranthuset er til sals, men berre til riktig pris. – Me prøver marknaden, seier eigar Eric Saudan.
Allereie i fjor haust opna Saudan for å selja familieeigedomen i Bellevuebakken 9. Då gjekk den tradisjonsrike lyststaden konkurs, etter å ha slite med restaurantdrifta i lang tid.
– I kvar ein handel er det prisen som avgjer, seier Saudan. Reknar på lønnsemd
No har Saudan teke bladet frå sin eigen munn og lagt ut eigedomen til sals med ein takst på 21 millionar kroner. BA omtalte salet først.
– Sjølv om eg er fjerde generasjon drivar, og er litt meir knytt til staden, kan ein ikkje drepa seg for det. Me har freista å halda det i live lenge. No prøver me marknaden, for me har ikkje aning om kva det kan vera verd, seier Saudan.
– Til sals for rette prisen
Selskap, investorar og privatpersonar har allereie vore på fleire visingar av praktbygget i Fjellsiden. Og fleire skal det verta, fortel Fredrik Stenevik, meklaren som har fått ansvaret for å selja eigedomen.
– Nokre av dei reine investorane har gått inn og sett på ulike lønnsemdsvurderingar for å løysa ei eventuell investering, seier han.
Mellom anna ser fleire på å kombinera restaurant- og konferansedrift. Plasseringa, med panoramautsikt over Bergen by, er så godt som unik.
– Det er òg mogelegheiter innanfor bustad, men det krev omregulering. Kjem det bustader her, vil det ha høg verdi, seier Stenevik.
Sjølv om eigedomen allereie har fått stor interesse frå potensielle kjøparar, er det ikkje gitt at Saudan kjem til å selja. Han er mest oppteken av å veta kor mykje marknaden er villig til å gi.
– Alt er til sals for den rette prisen. That’s it. Me jobbar òg med andre alternativ enn å selja, men kva det er, ønskjer eg ikkje å gå inn på.
Gjekk med store underskot
Formell seljar er Martigny AS, Saudans eige selskap. Martigny eig òg ein rekkje andre spisestader i byen, som Bryggen Tracteursted og Fløien Folkerestaurant. Same selskap tok i 2015 eit bokført tap på 24,4 millionar kroner.
– Dette skuldast ein større rekneskapsmessig restrukturering og har ikkje noko med likviditeten å gjera, sa Saudan i samband med konkursen i fjor.
For mange har dei tradisjonsrike lokala vore ein institusjon i bybiletet, men faerre og faerre kundar valte staden, og då julebordsesongen ikkje makta å korrigera den negative utviklinga, måtte eigaren kasta inn handkledet.
Året før Lystedet Bellevue AS gjekk konkurs, enda inntektene på naerare 10,7 millionar kroner, men drifta gjekk det dårleg med. Underskotet stoppa på 2,2 millionar kroner same året, og då selskapet gjekk konkurs, var den totale gjelda på ca. 3,7 millionar kroner.
«Gjennom generasjoner har man lagt vekt på å bevare husets egenart. Møblene, fargene og detaljene gir hvert enkelt rom sin helt spesielle karakter. Selskapslokalene har alle en eller flere tilstøtende salonger», heiter det i salsannonsen på Finn.no.
– Mesteparten av tomta er bygd ut, og eigedomen må nyttast slik han står fram i dag, seier meklar Stenevik.
Sjølv om eg er fjerde generasjon drivar, og er litt meir knytt til staden, kan ein ikkje drepa seg for det.
Eric Saudan