– To barn er triggeren. Då forsvinn kvinnene ut.
Toppjobbane i advokatog konsulentbransjen i Bergen passar perfekt for menn som jobbar døgnet rundt. No vil bransjen sjølv røska opp i mannsdominansen.
e– To barn er triggeren. Då forsvinn kvinnene ut og får aldri sjansen til å prøva seg som partnarar. Det er verkeleg synd.
Cecilie Koch Hatlebrekke, senioradvokat hjå Wikborg Rein i Bergen, er fast i blikket. Ho let seg motivera av å rekruttera nye klientar og å levera gode resultat til firmaet, men er enno ikkje partnar.
Det kunne ho sikkert ha vore. I staden valte ho, naturleg nok, å få barn.
– Ein kan ikkje gi full gass i arbeidslivet når ein vert mor. Det seier seg sjølv. Firmaa må verta flinkare til å spotta naturtalenta og leggja til rette for individuell planlegging for ei lang karriere. Heldigvis er det ein ny vind i bransjen. Fleire erkjenner at dei må ta tak i problemet, seier ho.
Av 15 partnarar hjå Wikborg Rein i Bergen, finn me éi kvinne.
Kvinner inn, kvinner ut
Så uheldig er utviklinga, at advokat- og konsulentselskapa i Bergen bad om hjelp frå Bergen Naeringsråd til å ta tak i problemet.
I ei fersk kartlegging syner dei at kjønnsbalansen på toppen er langt frå jamstilt. Sjølv om fleire kvinner enn menn vert rekrutterte inn, er dei knapt representerte i den høgaste stillinga som partnar:
Advokatkontora har 62 prosent kvinnelege tilsette som advokatfullmektigar, men på partnarnivå fell talet til berre ni prosent.
Tilsvarande skjer hjå konsulentselskapa, med 47,5 prosent
Advokat Nina G. Sandnes bestemte seg ikkje akkurat for å verta partnar då ho hadde ein toåring heime. – Derfor er eg glad for at me har laga eit mentorprogram for bransjen. M fleire kvinner går heilt til topps, trass i utfordringane som ligg i kombinasjonen av mor-partnarrolla, seier Sandnes (i midten), ein av få kvinnelege partnarar i Bergen. Her med senioradvokatane Cecilie