Framtida for oppdrettsnaeringa
BERRE EIN AV TRE toppleiarar i oppdrettsbransjen trur på regjeringas ambisiøse mål for veksten i naeringa, viser ein ny rapport frå konsulentselskapet PwC. I Dagens Naeringsliv tek oppdrettsgründer Ola Braanaas til orde for å slakke på miljøkrava. Det er kortsiktig tenkt.
Regjeringa har ambisjon om at produksjonen av sjømat skal auke til fem millionar tonn i 2050, naer fire gongar dagens produksjon. PwC meiner det er meir realistisk at produksjonen blir 3,3 millionar tonn.
Båe måla er hefta med stor uvisse, og utfallet er avhengig av at ein finn løysingar på problema med lakselus og tilgangen på fôr.
ØNSKET TIL oppdrettarane om å auke produksjonen er høgst forståeleg. Prisane på laks er framleis høge, og naeringa dreg inn milliardinntekter til landet. Men skal oppdrettsnaeringa ha ei framtid, må veksten skje på ein berekraftig måte. Miljøproblema må løysast. Det er òg i naeringas eigen interesse.
Mange ser heldigvis det, godt hjelpt av fornuftig politikk frå regjeringa og fiskeriminister Per Sandberg (Frp). Gjennom eit såkalla trafikklyssystem, hindrar regjeringa vekst i område med luseproblem. Samstundes gjev dei naeringa eit kraftig skyv for å finne nye løysingar, ved å dele ut såkalla utviklingslisensar. Desse har allereie ført til store investeringar i forsking og utvikling, av mellom anna lukka anlegg i sjø.
PWC-RAPPORTEN peikar ut lukka anlegg, i sjø eller på land, som det mest lovande i tiåra framover. Slike anlegg kan få bukt med alle miljøproblema naeringa slit med: lakselus, rømming og utslepp. Sjølv om opne merdar framleis er billigast, har kampen mot lakselusa auka kostnadene kraftig.
Det gjer nye løysingar meir attraktive.
Laksenaeringa har alt å tene på å betre sitt eige miljørykte.
Lukka anlegg er dyre, både å utvikle og byggje. Det kan forsterke utviklinga mot faerre og større selskap. For å motverke dette er det viktig at teknologien, som blir utvikla med stort innslag av offentleg finansiert forsking, blir gjort tilgjengeleg for mindre oppdrettarar. I tillegg til å sikre veksten i oppdrettsnaeringa vil ei slik satsing kunne styrke industrien rundt naeringa, og skape nye eksportinntekter.
Laksenaeringa har alt å tene på å betre sitt eige miljørykte. Då gjeld det å løyse eigne problem, framfor å krevje at samfunnet firer på miljøkrava.