Skrinlegg freding grunna konflikt med huseigar
I 16 år har eigaren av Parkveien 34 og kultur- minneforvaltninga vore i konflikt om fredinga av bygget. No gir fylkeskonservatoren opp.
e– Etter at vi oppretta fredingssak på Parkveien 34 for fire år sidan, slutta huseigaren å svare på brev, telefon og e-post. Eg har aldri opplevd ei liknande sak, fortel konstituert fylkeskonservator, David Aasen Sandved.
Konflikten går heilt tilbake til 2001 då Bergen kommune varsla fylkeskonservatoren om at Vågenes dreiv med byggjearbeid på eigedomen utan løyve. Konsekvensen blei at bygarden blei mellombels freda.
– Vi frykta at store kulturminneverdiar skulle gå tapt, forklarer Sandved.
Første i jugendstil
På adressa ligg ein av Bergens første bygardar i jugendstil. I 1904 sto den ferdig, teikna av arkitekt Daniel Muri, som også står bak mellom anna St. Jacobs kyrkje og Hotel Bristol på Torgallmenningen.
Eigar av bygarden er Bjørn Kåre Vågenes, ein stor eigedomsaktør i Bergen. Selskapet Bjørn Kåre Vågenes Eiendom er bokført med eigedomsverdiar for over ein halv milliard kroner.
Då Vågenes blei gjort kjent med fredingssaka, slutta han å svare, hevdar fylkeskonservatoren.
– Det har vore svaert vanskeleg å få til dialog med huseigar, og vi har heller ikkje fått tilgang til bygget. Det er årsaka til at vi no har sendt eit forslag om å avslutte fredingssaka ut på høyring, seier Sandved.
No gir fylkeskonservatoren opp. Det reiser spørsmålet om private huseigarar kan unngå at