Parkveien 34

Teikna av arkitekt Daniel Muri og sto ferdig i 1904. Ein av dei første bygardane i jugendstil i Bergen.

Muri har også teikna ei rekke andre bygg i Bergen, og er ein av dei mest framståande jugendstilarkitektane i Noreg. Mellom anna har han teikna St. Jacobs kyrkje, Parkveien 32, Seiersbjerget 4, Foreningsgaten og Hotel Bristol på Torgallmenningen.

Fylkeskonservatoren meiner bygget har nasjonal interesse på grunn av sin spesielle jugendstilarkitektur.

Bygget er rikt detaljert både på utsida og innsida. rettens veg for å verne eit kulturminne?

– Dersom vi skal gå vidare i ei sak der det er konflikt, må kulturminnet vere heilt på nasjonalt toppnivå.

– Ikkje supernøgd

Sandved vil ikkje kommentere forholdet mellom fylkeskonservatoren og Vågenes.

–Men eg kan seie at det er trist at vi ikkje får til nokon dialog, seier Sandved.

Huseigar Bjørn Kåre Vågenes vedgår at han og kulturminneforvaltninga ikkje akkurat er perlevener.

– Eg er ikkje supernøgd med framgangsmåten til dei antikvariske myndigheitene, nei.

Han meiner han på ingen måte har latt vere å svare for å unngå fredinga.

– Nei, det er feil. Dersom dei ønskjer tilgang til bygget, er det berre å ringe på. Det gjer både brannvesenet, feiarane og BKK. Grunnen til at eg ikkje har svart på eventuelle brev dei har sendt, er at eg rett og slett ikkje har sett dei. Eg får ekstremt mykje post, og er generelt vanskeleg å få tak i, seier Vågenes.

– Hardt mot hardt

Vågenes meiner at han allereie tek omsyn til at bygget er verneverdig, og hevdar at han ikkje er spesielt interessert i unngå at bygget får fredingsstatus.

– Nei, det er ikkje noko stort poeng for meg, men ei freding fører med seg auka kostnadar. Til eksempel kan ein måtte bruke skifer i staden for betongstein på taket, noko som er mykje dyrare, fortel Vågenes.

Han meiner at dersom kulturminneforvaltinga synest bygget var viktig nok å frede, kunne dei overkøyrt han som huseigar.

– Dei kunne berre sett hardt mot hardt om eg forsøkte å trenere saka. Eg trur eigentleg dei legg vekk fredingssaka fordi det er ein grei måte å bli ferdig med det, og at dei slepp å bruke meir ressursar på det.

– Dersom ein ny fredingssak blir starta opp, ville du då vere villig til ein dialog?

– Det kan hende, seier Vågenes.