Barnehage får refs - fann fleire ulovlege forhold
Det pedagogiske arbeidet framstår uryddig, og vikarbruken var altfor høg, hevdar Os kommune.
Etter å ha fått fleire bekymringsmeldingar om Borgafjell barnehage i Os, gjennomførte kommunen nyleg tilsyn med forholda i barnehagen.
BT har tidlegare omtalt barnehagen, der både foreldre og tilsette var urolege for tilstandane.
Den førebelse rapporten frå tilsynet er no klar. Der meiner kommunen å ha avdekt fleire lovbrot:
Barnehagen har ikkje klare rutinar knytt til foreldreråd og samarbeidsutval. Informasjonsflyten framstår tilfeldig.
Det same gjeld møte med verneombudet i barnehagen. Interne rutiner for handtering av bekymringsmeldingar er ikkje kjent for alle tilsette. Dei tilsette melder dei i liten grad vert inkludert og involvert i drift av barnehagen.
Kommunen vurderer det som overveiande sannsynleg at barnehagen ikkje oppfyller krava til innhold i ei pedagogisk verksemd.
Det pedagogiske arbeidet framstår uryddig og tilfeldig. Høgt sjukefråvaer og høg vikarbruk har medført at planlagt pedagogisk arbeid er sett på vent.
Barnehagen har endra vedtektene om ferie for barn utan å ha det på høyring.
Barnehagen har tilsett nok pedagogar, men har likevel ikke god nok bemanning. Sjukefråvaeret og vikarbruken er for høgt.
Tilsynet opplever manglande tillit til eigar, tillitsbrot frå eigar si side, og mistillit frå involverte partar.
Foreldre kjenner seg igjen
– Dette var ikkje overraskande, men det var godt å få det bekrefta svart på kvitt, seier mor Camilla Kaland.
Ho har dottera si i barnehagen. Tidlegare gjekk også den yngre sonen hennar her, men han har ho no valgt å flytte.
Også far Henrik Tandstad Tronerud har flytta det yngste barnet sitt ut av barnehagen.
– Sonen min var utrygg der. Dette tilsynet bekreftar det me har visst lenge. Me kjenner igjen dette, saerleg det om bemanninga, seier han.
For mange sjuke
Det er ikkje mangel på pedagogar i utgangspunktet, men for høgt sjukefråvaer over lang tid som er kommunens ankepunkt overfor Borgafjell barnehage. Det bekreftar barnehagemyndighet Irene Ullensvang i Os kommune.
– At folk blir sjuke er heilt normalt, men når høgt sjukefråvaer vedvarer over tid er det rimeleg å forvente at eigaren ryddar opp. Det er vanskeleg å drive ei pedagogisk verksemd med høgt sjukefråvaer over tid, seier ho.
Kombinasjonen av avvika kommunen har funne og dei mange bekymringsmeldingane, leier til konklusjonen om at barnehagen i dag ikkje blir drive forsvarleg som ei pedagogisk verksemd.
– Har igangsett tiltak
– Barnehagen har igangsett ei rekkje tiltak dels uavhengig av, og dels som følgje av forhold som er omtalt i rapporten, skriv advokat Nina G. Sandnes i Kluge advokatfirma i ei e-post til Bergens Tidende.
Ho hjelper eigarane av Borgafjell barnehage i saka.
– Planen er at dei avvik som fremgår av rapporten, og som ikkje allereie er lukka, skal vere brakt i orden innan kort tid og sjølvsagt innanfor dei fristar som gjeld, skriv ho vidare.
Sandnes skriv at leiinga har løpande kontakt med foreldregruppa, både i form av jamlege møter og brev. Styrar har førebels registrert at to born er tatt ut av barnehagen.
– Alle verksemder har tidvis utfordringar, men det meste løyser seg om partane har eit felles ønskje om det, skriv ho.
Ifølgje advokaten har eigarane ei rekkje kommentarar til rapporten. Desse vil kome fram i svaret dei sender til kommunen.
Barnehageeigaren har no fått frist til 9. januar for å kome med sine tilbakemeldingar på tilsynet. Etter dette vil Os kommune konkludere endeleg.