Rammene blir strammare
Administrerende direktør i Helse Bergen HF utvikling. Utvikling i medisin og teknologi gjer at ein kan behandle diagnosar ein tidlegare ikkje kunne behandle, og meir persontilpassa utstyr gjer at ein kan behandle fleire pasientkategoriar. Det inneber prioritering av kva oppgåver sjukehuset skal løyse og bruke tildelte pengar på.
ENDRING I AKTIVITETSPROFIL viser auke innan poliklinikk og dagbehandling og reduksjon i døgnbehandling. For å vere betre rusta til å møte utfordringane, er det naudsynt å innrette sjukehuset etter dette. Innføring av mottaksmodellen sikrar høg kompetanse i første møte med pasienten, for å sikre tidleg diagnostikk og rask behandling. Mange pasientar vil få all diagnostikk og behandling i Mottaksklinikken, og treng ikkje opphald i spesialavdelingane, som er dei dyraste avdelingane i sjukehuset.
Dette er bakgrunn for at senger er overført frå spesialavdelingar, som til dømes Medisinsk avdeling, til Mottaksklinikken. Dette er ikkje nedlegging av senger, men flytting av senger. Andre strukturelle tiltak er å samle senger i større og meir optimale einingar, samle døgnbehandling for einingar med få senger, redusere tal senger i helgane og søkje synergiar mellom einingar. Sengene ved Haukeland hotell skal og brukast meir optimalt.
Med denne endringa vil ein også få tilgjengeleg meir areal til poliklinikk og dagbehandling, noko mange einingar har eit sterkt behov for.
KRAV OM REDUSERT KOSTNAD der det er potensiale gjennom betre planlegging og logistikk, kan gi betre prosessar og betre samhandling. Sjukehuset har nye verktøy, system og nye formålstenelege bygg som gjer det mogleg å utvikle gode og effektive helsetenester for framtida.
Støtteeiningar og stabseiningane har samla fått redusert sine rammer med kr. 75 mill. samanlikna med 2017. Dei skisserte endringane vil føre til forandring for tilsette. Det inneber ein ny måte å arbeide på og er sjølvsagt krevjande for mange. Nokre får ein annan type jobb i ei annan avdeling, men i stor grad basert på frivilligheit. Det er svaert viktig å ha dei tilsette med i endringane, og ingen blir nedbemanna ved Haukeland universitetssjukehus.
Og vi skal gi gode behandling , forsking, opplaering og utdanning av god kvalitet også i 2018.
Full versjon av teksten kan du lese på bt.no/meninger.