Utsendinga av afghansk familie er sett på vent
Politiet skal ha stått klar, men barnefaren var ikkje frisk nok til å verta sendt ut av landet, fortel pastor Frank Håvik.
Småbarnsfamilien frå Afghanistan vart teken med makt frå kyrkjelyden Betania på Fitjar fredag.
Ektemannen vart innlagt på sjukehus etter politiaksjonen.
– Politiet på sykehuset
Måndag ettermiddag var Politiets utlendingseining (PU) på sjukehuset for å ta med seg mannen, fortel pastor Frank Håvik i Nytt Liv Sunnhordland.
– Dei hadde fått bagasjen i bilen, men så vart det heile stogga av legane. Han var ikkje frisk nok, seier Håvik.
PU kan korkje stadfesta eller avkrefta pastoren sine opplysingar, men fortel i ein e-post at den planlagde uttransporten av familien vart avbroten i helga.
Ventar på ankesak
Familien har levd i kyrkjeasyl på Fitjar sidan i fjor vår.
Ekteparet skal ha konvertert til kristendomen og fryktar forfølging. Fordi dei gifta seg mot viljen til hennar familie, hevdar paret at dei også risikerer aeresdrap.
Småbarnsfamilien søkte om mellombels utsetjing for å hindra tvangsretur og fekk medhald på alle punkt i Oslo byfogdembete.
Men så vart dei ikkje trudd i tingretten. Familien måtte difor attende i kyrkjeasyl på Fitjar.
Håvik fekk nokre få ord med ektemannen på telefonen måndag.
– Korleis tek han det?
– Han har det veldig tøft.
Strid om status på lokalet
Kona og dei tre barna på fem, fire og eit halvt år er innkvartert på eit asylmottak ved Hønefoss.
Ifølgje pastoren fekk kona beskjed frå PU om å gjera seg klar for å reisa attende til Afghanistan seinare måndag.
– Men advokaten deira seier at det ikkje vil skje dersom ikkje også ektemannen blir med. Då må han skrivast ut frå sjukehuset først, og det er det legane som avgjer, seier Håvik.
I forkant hadde politiet konkludert at lokalet ikkje kunne verta rekna som eit kyrkjebygg. Aksjonen var klarert med Justisdepartementet.
Den ansvarlege for gjennomføringa, avsnittsleiar Pål Gjil i operativ utlendingseining i Sør-Vest politidistrikt, skildra aksjonen som «meget vellykket».
Sender brev til Listhaug
Aksjonen har skapt reaksjonar. Norges kristne råd har måndag avgjort at dei skal senda eit brev til justisminister Sylvi Listhaug (Frp).
Dei ønskjer å få avklart to ting, fortel
Knut Refsdal:
Om retningslinjene ved kyrkjeasyl, og som politiet har stelt seg til sidan 1999, er oppheva, og om dette såleis signaliserer ny praksis ved kyrkjeasyl.
Om ein gjer forskjell på typen av kyrkjebygg.
Refsdal påpeikar at det ikkje er utenkjeleg at det vil dukka opp fleire saker med afghanske flyktningar i kyrkjeasyl.
– Då er det greitt å veta korleis styresmaktene stiller seg. Og er det slik at politiet og Justisdepartementet ikkje trudde at dette var ei kyrkje fordi ho ikkje høyrer til Den norske kyrkje, er det noko med tru- og livssynskompetansen som er fråverande, seier han.
generalsekretaer