Fire prognosar for Hordaland
skulle koma i løpet av år 2033. No er talet kraftig nedjustert.
Dermed er det fullt mogeleg at dei framtidige kjemikarane vert ein del av den dystre spådommen for Hordaland.
Sjølv ikkje i 2045 vil me nå det magiske talet, fordi folkeveksten er venta å gå ned. Komplisert?
Sjå føre deg at me vert 3354 fleire personar i Hordaland neste år. I 2044 er det same talet nedjustert til 1323. Det tyder at folketalet stoggar på 591.000.
Må skapa attraktivitet
Sjeldan ser du fylkesordførar Anne Gine Hestetun (Ap) utan eit smil på andletet. Men dei ferske folketalsprognosane er ikkje saerleg til å verta glad av.
– Me må jobba endå hardare med å skapa grunnlag for vekst og å gjera vår del av landet så attraktiv som mogeleg, seier ho.
Det vil seia: samla viktige aktørar frå naeringslivet, offentlege verksemder og akademia, og deretter diskutera og prioritera tiltak.
– Me må påverka der me kan, seier Hestetun.
Tre tydelege trendar
Ikkje på 20 år har så få personar valt å verta verande i Hordaland som i fjor. Flytteoverskotet var på 298 personar.
Ikkje sidan 1998 har folkeveksten vore like låg som i 2017. Folketalet steig med berre 0,5 prosent. Dessutan har det vorte fødd for få born til å snu trenden. Fødselsoverskotet er det lågaste sidan 2006.
– Resultata var ikkje heilt uventa, men det er interessant at dei tre trendane fell saman slik, seier statistikar Lasse Kolbjørn Anke Hansen i fylkeskommunen.
Flyttar mot Oslo
Endra økonomiske høve er normalt sett grunnen for skift som dette.
Etter utvidinga av EU var det rekordmange arbeidarar som drog til Hordaland for å jobba. Dette var spesielt høgt for ei fem års tid sidan.
– Arbeidsinnvandringa har meir eller mindre stoppa fullstendig opp sidan då, seier Hansen.
Hansen fortel at dei har prøvd å skapa ein prognose som fangar opp ein normalsituasjon for Hordaland. Fleire årgangar med tal styrkar også funna.
Det er saerskilt Austlandet som verkar forlokkande på dei som forlèt vestlandsfylket, fortel Hansen.
– Det er ingenting som tyder på at Hordaland skal vinna innlandskonkurransen på kort sikt.
Kjemistudenten Ingrid Trydal Rønsberg (24) frå Kristiansand vil inn på ein lab og analysera. Det finst fleire laboratorium på Austlandet.
Odda eldast mest
Når fleire flyttar vekk og faerre flyttar til, og låg fruktbarheit held fram, vert det fleire av dei eldre og faerre av dei yngre.
Fedje, Ullensvang og Samnanger vil alle ha ein snittalder på over 50 år i 2045. Det er opp fleire år samanlikna med no.
I Odda vil snitt-oddingen vera meir enn ti år eldre i 2045 enn no. Då er det venta at den jamne innbyggjar er 54,5 år.
Til samanlikning er prognosen for Bergen ein snittalder på 44,1 år.
– Utviklinga for Bergen er den same som for Hordaland. Det er i dei mindre kommunane at me er mest utrygge på prognosane, seier Hansen.
Ein viktig reiskap
Auka folketal kan vera argument for ein ny skule. Dårlege vegar vert kanskje raskare betre viss det er venta fleire folk og meir trafikk.
Og private utbyggjarar snusar etter folkevekst for å byggja hus.
– Det er ikkje tvil om at det er mange perspektiv i regionreforma som er viktige i høve det me les i rapporten, seier Hestetun.
Den ferske folketalsprognosen kan få store konsekvensar for korleis både fylkeskommunen og kommunane planlegg framtida.
– Funna i Hordaland viser kor viktig det er å vera på og kor viktig berebjelke både naeringsutvikling og syselsetting er for auka å busetnaden, seier Hestetun.
Kjemistudentane i Bergen er samde om kva som gjer ein stad attraktiv å bu:
Jobbmogelegheiter og godt vaer. Naerleik til familie og vener. Det gjer Austlandet til eit enkelt val for mange.
– Viss alle venene mine stikk til Oslo, stikk jo eg også, seier Ida Landmark Fjermestad (24).
Lovar politikarpress
I 2020 vert Hordaland og Sogn og Fjordane til Vestland fylke.
Utflytting av 5000 statlege arbeidsplassar er her eit heitt tema. Og at tenester og verksemder vert lagt til distrikta og andre byar utanom Oslo.
Hestetun lovar at ho skal vera tydeleg overfor både storting og regjering for å få på plass verkemiddelapparatet. Attraktive arbeidsplassar er vesentleg. Tiltak kan også handla om alt frå fleire laerlingplassar til gode møteplassar for arbeidsledige.
– I eit slikt arbeid er det viktig med fullmakt og ansvar til naeringsutvikling. Me må få ressursar til å utvikla regionen vår i samsvar med det som trengst.