E-postar viser at Hindsbo blei varsla om støvskadane
Tidlegare Kode-direktør Karin Hindsbo seier ho ikkje var kjent med heile omfanget av støvskadane på museet. Ein intern e-post viser at ho blei varsla.
Støvet på Kode 1 har skapt problem etter problem for museet.
3000 kunstgjenstandar må reinsast, alle takplatene skiftast ut og store deler av det nyoppussa Kode 1 er stengt av. Prislappen for å rydde opp kan bikke ti millionar kroner.
Det var Karin Hindsbo som var direktør då støvet blei oppdaga hausten 2016. Til BT har ho tidlegare sagt at ho ikkje visste kor ille situasjonen var då ho gjekk av i mai 2017.
– Den informasjonen eg arbeidde ut ifrå, gjaldt ein sal, sa Hindsbo til BT den 3. april.
Men ein intern e-post viser at ho blei varsla om at støvproblemet var langt større.
Blei informert av tilsette
E-posten blei sendt til Hindsbo og fleire andre den 28. november
2016. Der informerte samlingsleiar Knut Ormhaug om at støvet dekkjer «dei temporaere magasina i andre og tredje etasje». Dette er dei tre salane i Kode 1.
Ormhaug la også vekt på at museet må fjerne støvet snarast mogeleg. Allereie i desember
2016 blei ein rapport som skisserer korleis ein skal fjerne støvet, utarbeida av Bevaringstenestene ved Museumssenteret i Hordaland.
Men halvanna år seinare står
Karin Hindsbo blei informert om at både andre og tredje etasje på Kode 1 var råka av støvlekkasjen frå oppussinga, men har tidlegare sagt at ho berre visste om ein av salane. – Eg har forsøkt å gi eit så detaljert hendingsforløp som mogeleg, seier Hindsbo til BT. gjenstandane framleis dekt av støv.
Hindsbo har tidlegare fått kritikk frå forgjengaren sin, Erlend Høyersten, for ikkje å ha hatt oversikt.
– Om det stemmer at Karin Hindsbo ikkje var klar over omfanget, må ein spørje seg kvifor ho ikkje fekk den informasjonen. Nokon burde slått alarm, eller forhindra at dette skjedde, sa Høyersten til BT.
Han er i dag er direktør ved kunstmuseet Aros i Danmark.
– Har forsøkt å gjere greie
Karin Hindsbo er i dag direktør for Noregs største kunstmuseum, Nasjonalmuseet i Oslo.
BT har vore i kontakt med henne gjentatte gongar for å få svar på omstenda rundt støvsaka. Ho meiner ho har gjort greie for saka så godt ho kan.
– Hendinga ligg halvanna år tilbake i tid, og eg har ikkje full tilgang på dokument eller detaljar frå handteringa. Eg har gjennom fleire samtalar med BT forsøkt å gi eit detaljert hendingsforløp som mogeleg, slik eg hugsar det, skriv Hindsbo i ein e-post.
BT har også sendt Hindsbo