Ein antikvert Nobel-jury
Svenska Akademien bør renoverast fullstendig.
NOBELPRISEN i litteratur, verdas mest prestisjefylte litteraturpris, blir ikkje delt ut i år. Det vart klart fredag. Svenska Akademien, som deler ut prisen, har implodert etter ein #metoo-skandale av dei sjeldne. Saka byrja i fjor haust, då 18 kvinner stod fram i Dagens Nyheter med skuldingar om dels grove overgrep frå kulturprofilen JeanClaude Arnault. Han har svaert tette band til Akademien, men er ikkje sjølv medlem. Det er derimot kona Katarina Frostenson, som nyleg trekte seg. Ein medverkande årsak til det var at Arnault òg skal ha lekt fleire namn på prisvinnarar til pressa, namn han hadde fått frå kona.
DET SENTRALE spørsmålet har vore om medlemmene i Akademien har kjend til Arnaults overgrep, utan å gripe inn. Lenge nekta dei, men i april vart det kjend at kunstnaren Anna-Karin Bylund allereie i 1996 hadde sendt brev til Akademien, der ho skulda Arnault for seksuelle overgrep, utan at det vart reagert.
Måten Svenska Akademien har takla saka på har svekka tilliten og autoriteten til Akademien og litteraturprisen. Den har vist at Akademien er sterkt prega av ein elitistisk, lukka, sjølvrekrutterande og mannsdominert kultur.
Måten Svenska Akademien har takla saka på har svekka tilliten og autoriteten til Akademien og litteraturprisen.