Éin av tre tannlegar varsla ikkje barnevernet ved mistanke om omsorgssvikt
Tannhelsepersonell på Vestlandet og MidtNorge sender faerrast bekymringsmeldingar til barnevernet. Det viser ein ny studie.
– Eg snakkar ofte med tannhelsepersonell som fortel om barn dei har hatt i stolen der dei i ettertid tenkjer at dei burde ha varsla barnevernet, men ikkje gjorde det.
Er pliktige
Forskar Ingfrid Vaksdal Brattabø har spurt 1200 tannlegar og tannpleiarar i Norge om meldeplikta dei har til barnevernet.
Dei er nemleg pliktige å kontakte barnevernet dersom dei mistenkjer at barnet blir utsett for overgrep eller alvorleg omsorgssvikt.
Av dei 1200 svara 33 prosent at dei ikkje melde frå til barnevernet, trass mistanke om alvorleg omsorgssvikt.
60 prosent svara at dei hadde varsla barnevernet éin eller fleire gonger.
Tolv år gamle Christine-Sofie Lerøyen Pedersen har sete seg til rette i tannlegestolen hos Loddefjord tannklinikk. Ho er litt nervøs, ho fryktar ho har minst eitt hol.
– Nei, her har du ikkje mykje å vere redd for. Alt ser kjempefint ut, roar tannlege Karoline Blindheim Heldal, med.
Redd for å gjere feil
For Heldal er det langt frå alltid at tilstanden i munnen til barnet ho har i stolen, er like fin som i dag.
– Men av og til kan ein vegre