Folkemusikaren Erlend Apneseth er klar for ein travel festivalperiode. Viss han kan spele.

Erlend Apneseth har klart å skape interesse for hardingfelemusikk langt utanfor dei tradisjonelle folkemusikkmiljøa. Sjølv meiner han hardingfela har naer uendelege mogelegheiter.

–Eg har nesten ikkje rørt fela på ein og ein halv månad. Eg reiv eit tak heime på garden, og reiste rett på turné då eg var ferdig. Det blei visst for mykje for handa mi, seier Erlend Apneseth.

Viss du i neste veke ser ein fyr springe rundt om i byen med ei fele i handa, kan det vere Erlend Apneseth som er på farten. Det blir nemleg ein saers travel festivalperiode for spelemannen frå Jølster i år.

Er litt bekymra

eI tillegg til å stå for musikken til «Andvake», oppsetjinga av Jon Fosse-trilogien med same namn, skal Apneseth spele fleire konsertar under årets Nattjazz.

Enkelte kveldar må han derfor ta med seg både beina og fela, og springe frå Ole Bulls Plass til Verftet når framføringa av «Andvake» er ferdig.

Viss Erlend Apneseth i det heile tatt kan spele på fela si.

BT treff Apneseth på Hordaland Teater før dei skal ha første skikkelege gjennomgang av «Andvake». Dei skal prøve å spele stykket frå byrjinga til slutten for første gong. Apneseth er blitt omtala som ein «beinhard» folkemusikar, men no er han litt bekymra.

–Eg har aldri vore i denne situasjonen før. Vi har ein reserve som kan spele for meg viss det ikkje går, men eg vil sjølvsagt spele sjølv, seier Apneseth.

Også i «Andvake»-trilogien fer det ein litt bekymra fyr rundt om i Bergen – eller rettare sagt Bjørgvin – med ei fele. I boka kjem Asle kjem til Bjørgvin samen med si gravide kjaerast

MED BÅT TIL BJØRGVIN: I «Andvake» kjem Asle og Alida med båt til Bjørgvin. Dei har med seg lite anna enn kleda dei går og ei fele. – Eg kjenner meg igjen i tekstane til Jon Fosse, seier Erlend Apneseth.