Vi må ta på alvor at elevane ønskjer eit rettferdig system
Laerarar ved Knarvik vidaregåande skule system som dette, og så opnar for fri tilgang til internett til eksamen, kan ein ikkje berre dreie debatten over på noko anna.
RAAHEIM SKRIV AT EKSAMEN handlar om å «kontrollere i hvilken grad elevene har tilegnet seg bestemte forhåndsdefinerte løsninger i forhold til bestemte kompetansemål». Men i dag vil ei typisk eksamensoppgåve i mange fag invitere eleven til å skrive sjølvstendig, kreativt og kritisk. Eksamen handlar om å «slå ned på og straffe feil», skriv han, men i dag kan elevane løyse oppgåvene på svaert ulike måtar. Sensorane blir systematisk trente i å leite etter kvalitetane ved svaret, og ikkje sjå etter det som manglar.
Raaheim meiner dei vurderingane laerarane gjer, altså standpunktkarakter, held lenge. Igjen hoppar han over rammene skulen opererer innanfor. Viss ein tar vekk eksamen, går ein i praksis inn for å auke makta kvar skule har over karakterpoenga til elevane.
DETTE ER LANGT FRÅ UPROBLEMATISK. Hugs at den vidaregåande skulen opererer i eit farvatn med rangeringar, fritt skuleval og kommersielle aktørar med karaktergaranti. Det er ikkje vanskeleg å sjå for seg at skulane kjem under press for å gi elevane dei karakterane dei vil ha.
Eksamen kan vere krevjande, men det å måtte prestere under tidspress, er noko alle vil oppleve. Slik er det i arbeidslivet òg. Nokre gonger har ein god tid, andre gonger må ein jobbe raskt. Eksponeringsterapi er smart, og det fungerer faktisk. Mange elevar slit minst like mykje med å snakke høgt i ei forsamling, men det er jobben vår å hjelpe dei med å greie dette. Kvifor skal me tenkje annleis om skrivesperre? Eller om alle dei andre ubehagelege situasjonane dei kjem ut for?
DET FINST FLEIRE MÅTAR å hjelpe elevane på, og ein måte er å la dei få øve seg på å greie å prestere sjølv om dei har tidspress. Det er ei trening i å meistre livet. Ein annan er å ta på alvor at elevane ønskjer eit rettferdig system for opptak til høgare utdanning. Det er trass alt framtida deira det handlar om.