Restauranten Bare Vestland er truga av konkurs
Restauranten i Bergen sentrum har to veker på seg til å betale litt over 300.000 kroner i ubetalt moms.
Skatt Vest ville slå restauranten konkurs som følgje av manglande momsbetaling.
Tysdag møtte partane i Bergen tingrett.
Bakgrunnen var eit ubetalt momskrav på litt over 300.000 kroner.
Opphavleg var kravet på kring 700.000 kroner, men Bare Vestland har klart å gjere opp for seg litt etter litt.
Utsette konkurskravet
Innbetalingane var også noko av bakgrunnen for at restauranten fekk dommaren si velsigning, og unngjekk konkursopning.
Seinast måndag tikka det inn 69.000 momskroner på kontoen til Skatt Vest restauranten.
Dommaren godkjente såleis ei betalingsutsetjing på to veker.
Under
frå
Tener meir om sommaren
rettsmøtet kom det fram at restauranten slit med svingingar i marknaden, men at dei tjener bra om sommaren.
Ifølgje styreleiar Petter Wilhelm Stiegler har Bare Vestland tent ein halv million kroner meir så langt i juni, enn kva dei gjorde i snitt dei første månadane i år.
– Januar, februar og mars er tunge månader i restaurantbransjen. Det er no om sommaren vi tener pengar, seier styreleiar Petter Wihlem Stiegler til BT.
Han orienterte så retten om at restauranten ligg ein månad bak på husleiga, men at dei er i dialog med huseigar.
Tidlegare dagleg leiar Øystein Ellingsen understrekar at restauranten har kontroll.
Vi skal spare det inn gjennom innstrammingar. Som å bruke meir av kjøttet på dyra vi kjøper inn. Dagleg leiar Morten Tungesvik
– Beløpet som gjenstår vil bli betalt innan fristen. Det første kravet er blitt betalt. Det gjenståande beløpet er moms som gjekk til forfall for berre ti dager sidan, seier han til Bergens Tidende.
Må ha auka omsetjing
For at restauranten skal overleve, og at dei skal klare å betale kravet, må omsetnaden opp.
Bare Vestland har ein plan, men noverande dagleg leiar Morten Tungesvik vil ikkje gjere drastiske endringar for å auke inntektene.
– Vi skal spare det inn gjennom innstrammingar. Som å bruke meir av kjøttet på dyra vi kjøper inn. Og ved å fjerne unødvendige arbeidstimar på vaktlista, seier Tungesvik.