Gjer millionbutikk på cruiseturistane i Flåm
– Turismen i Flåm har vore positiv for utviklinga i heile Aurland, seier Kyrre Wangen (40).
Wangen rettar på nokre kleshengarar inne i den 700 kvadratmeter store turistbutikken. Det er torsdag føremiddag, men hundrevis av turistar frå heile verda har allereie sveipa gjennom Mall of Norway.
– Butikken går rimeleg bra, for å seie det slik.
Rett utanfor står turistbussane stilt opp på rekke og rad. Sjåførar ventar på at dei handlelystne skal gjere seg ferdige.
Bedrifta har tent godt på turismen i fleire år. Kvart år sidan 2004 har dei hatt millionoverskot. Og dei siste åra har overskota vakse.
«No cruise ships»
Det er lite som minner om ei lita bygd i Sogn når ein står på torget i Flåm ein sommardag i juli. På kvart hjørne, over alt i gatene, er det eit mylder av menneske frå heile verda.
Fleire tusen turistar skal rekke å få ein liten bit av bygda før dei skal tilbake om bord på cruiseskipet dei kom med, eller vidare til ein av dei mange turistattraksjonane i naerleiken.
Berre i fjor kom over ein million turistar til Flåm med tog. 250.000 med cruiseskip.
Det merkast godt i ei bygd med 400 innbyggjarar. Lokalbefolkninga kritiserer jamleg nye cruiserekordar, og fleire er skeptiske til at bygda har blitt ein turistmaskin.
Sommaren 2014 blei cruiseturistar i Flåm møtt til synet av rundballar med det klare bodskapet: «No cruise ships».
Wangen skjønar til dels kritikken, men meiner at turistnaeringa fører til verdiskaping i bygda på fleire måtar.
– Vi har til dømes mange tilsette i sommarsesongen. Desse betalar skatt lokalt. Og dei handlar mat i dei lokale butikkane.
Wangen sine tilsette bur også i hus som bedrifta eig.
– Alt vedlikehald på hyttene og i butikken blir gjort av lokale handverkarar. Vi er nøye med å bruke lokal arbeidskraft.
– Fantastisk syn
Wangen både lever, jobbar og bur i turistmaskineriet.
Bustaden hans ligg midt på torget. Frå altanen ser han