Far og son ror fjordalangs med slåttar og forteljingar

Med krotekaker og morellar til niste underheld dei lokalsamfunn inntil Hardangerfjorden. I ei veke varer turneen.

eDet er enno lenge til kvelden, men Torbjørn og Andreas Ljones må snart tenkja på å leggja i veg. Det er langt frå Ulvik til Jåstad, iallfall med Strandebarmar, og dessutan er det vondt å vita kva som ventar der ute, av vind og straum og bør. Det gjeld å ha margin.

Det er sommarens tredje av fire førestillingar som er på trappene i grendahuset på Jåstad, nord i Sørfjorden. Dei omreisande har med seg eit repertoar som iallfall musikalsk sett er tilpassa plassen dei kjem til. Tekstane, som er det andre elementet, er slike som far Torbjørn har skrive og publisert på ulike plattformer opp gjennom åra.

– På kanten av sanninga

– Essays, noveller. Historier som byggjer på ting eg har sett, lest eller opplevd. På kanten av sanninga. I nokre tilfelle har eg late fantasien få spelerom, fortel Torbjørn (64).

Torbjørn Ljones, også kjend under aliaset «Kvitanesen», er eigentleg rektor ved Lillehammer vidaregåande skule, men han er fødd og oppvaksen på Tveito i Ulvik. Her bur framleis mor hans. Sjølv har han kjøpt seg hus naerare sentrum. Sonen Andreas (40) er profesjonell felespelar, komponist og mangfaldig artist. I 15 år har han reist jorda rundt med ulike framsyningar. Mellom anna har han i ei årrekkje samarbeidd med Grand Prixvinnaren frå 2009, Alexander Rybak.

– Men her er det ikkje eg som er i fokus. Eg er meir eit pauseinnslag, hundre prosent akustisk, og det er frigjerande, seier 40-åringen, som reknar seg som halvt harding. Minst.

– Her har eg vore kvar sommar i oppveksten, seier han mens han let blikket gli