No vil Stortinget ha slutt på at ein brenn matavfallet i Bergen
Eit samrøystes storting krev at alle kommunar innfører matsortering frå heimane.
Hundre lastebillass med boss blir brent i Bergensområdets interkommunale renovasjonsselskaps (BIR) anlegg i Rådalen kvar einaste vekedag.
I restavfallet frå husstandar i Bergen som når forbrenningsomnen, er over 40 prosent matavfall.
Det er dårleg ressursutnytting, meiner eit samstemt storting. I februar blei derfor eit påbod om å sortere ut matavfallet vedtatt. Det er enno ikkje innført av BIR.
– Nesten alle dei store kommunane i landet har no innført matsortering. BIR har ikkje noko anna val enn å sette i gang, seier Ketil Kjenseth i Venstre, leiar for energi- og miljøkomiteen på Stortinget.
Det er klart større klima- og energinytte å bruke matavfallet i biogassproduksjon framfor å brenne det, ifølgje ein rapport gjort av Østlandsforskning for Miljødirektoratet i 2016.
– Som å helle vatn i omnen
Stortingspolitikarane bestemte at regjeringa må setje ned krav om utsortering og materialattvinning frå plast- og matavfall.
Dette gjeld alle kommunar og naeringsaktørar, i tråd med anbefalingar frå Miljødirektoratet.
I avfallsenergianlegget til BIR blir bosset brukt til å lage fjernvarme og elektrisitet. Men mesteparten av energien i matavfallet går med til å fordampe eigen fukt.
Det er mykje dyrare å behandle matavfall separat enn å brenne det.
Steinar Naevdal, leiar i BIR.
– Å brenne matavfall er nesten som å helle vatn i omnen. Ein kastar i tillegg vekk verdfulle naeringsstoff, seier Olaf Brastad, seniorrådgivar i Bellona.
Brenn stadig meir boss
Oslo står i sterk kontrast til Bergen. Dei resirkulerte i fjor over 15.000 tonn matavfall.
Bergen brenn på si side stadig meir boss: I BIR sin årsrapport frå 2017 kjem det fram at