Lykke og Kristoffer er med å setje rekord for borgarleg konfirmasjon
Over tusen har meldt seg på humanistisk konfirmasjon i Hordaland til våren. Det er ny rekord.
Til våren kjem talet på unge som konfirmerer seg humanistisk i Hordaland, til å passere tusen for første gong.
Ny rekord
– Det er rekordmange, seier organisasjonssekretaer Magnhild Marie Bøe-Hansen i HumanEtisk Forbund i Region Vest.
Så langt har 1058 i fylket meldt seg på, kring hundre fleire enn i vår, og enno er det ein månad til fristen går ut.
– Det pleier å kome ein del påmeldingar den siste månaden. Vi forventar iallfall hundre til, og er spente på kva vi endar på.
Ekstra seremoniar
– Eg er ikkje kristen og har ikkje lyst til å bli identifisert som det, seier Kristoffer Johannessen.
Når 14-åringen frå Åsane står konfirmant til våren, blir det ikkje i kyrkja, men i Grieghallen. Han blir ikkje aleine. Naer 700 i Bergen har meldt seg på humanistisk konfirmasjon i mai. Det er kring hundre fleire enn i vår.
Interessa er så stor at HumanEtisk Forbund planlegg to ekstra seremoniar i Grieghallen og ein ekstra i Fana kulturhus. Alt i alt blir det arrangert elleve seremoniar i Bergen neste vår.
For Lykke Løseth er valet enkelt.
– Eg er ikkje døypt og ikkje kristen. Då er det ikkje mykje vits i kristeleg konfirmasjon, seier 13-åringen, som går på Blokkhaugen ungdomsskole i Åsane.
Husnes og Høyanger
– Men eg har lyst til å feire at eg blir vaksen. Eg har familie i Oslo, og konfirmasjon er ein sjeldan sjanse til å samle heile familien på ein stad.
Også i Knarvik, på Askøy og Os blir 2019 eit rekordår. Knarvik har alltid hatt to, maks tre seremoniar. Neste vår blir det fire. På Askøy har så langt 83 meldt seg på humanistisk konfirmasjon.
– Askøy har aldri hatt over 70 før. Os har 76 påmelde mot 62 i vår, seier Bøe-Hansen.
Sogn og Fjordane er det fylket i landet med faerrast humanistiske konfirmantar, men også der stig interessa.
–Får velje sjølv
Førde i Sunnfjord har størst vekst med 38 påmelde så langt mot 28 i vår, og for første gong blir det truleg arrangert kurs i livssyn og etikk også i Høyanger.
– Det blir ein travel vår. Alle som arrangerer kurs og seremoniar, jobbar som frivillige. Dei brukar fritida si på dette, fortel Bøe-Hansen.
– Korleis forklare den store interessa?
– Ei forklaring er at vi har halde på i så mange år. Tilbodet er blitt meir og meir kjent. Fleire og fleire har delteke på seremoniane og veit kva det inneber. Mi oppleving er dessutan at foreldre er blitt meir tydelege på at konfirmanten skal få velje sjølv.
– Alle får plass
Bøe-Hansen forsikrar at alle som vil konfirmere seg humanistisk, får plass.
Mi oppleving er at foreldre er blitt meir tydelege på at konfirmanten skal få velje sjølv.
Magnhild Marie Bøe-Hansen, organisasjonssekretaer i Human-Etisk Forbund i Region Vest
– Ja, vi lagar nye grupper heile tida og seier ikkje nei til nokon som melder seg på før fristen går ut 1. oktober. Men ingen blir medlem av Humanetisk forbund sjølv om dei blir konfirmert humanistisk. Ingen blir medlem utan å melde seg inn, understrekar ho.
Bjørgvin bispedøme har ikkje statistikk før etter konfirmasjonen, men ein stikkprøve til nokre kyrkjer, viser ein tendens til litt faerre konfirmantar til våren. Eit unnatak er Os.
Ateist og konfirmant
80 prosent av alle som konfirmerer seg humanistisk, har foreldre som står i statskyrkja. Kristoffer Johannessen er døypt, men trur ikkje på Gud.
– Eg er ateist, seier han. – Likevel vil du konfirmere deg?
– Absolutt. Før i tida var det å konfirmere seg som å tre inn i dei vaksne sine rekkjer. Litt sånn er det enno.
Han gler seg til konfirmasjonskurset i livssyn og etikk i januar.
– Eg er veldig glad i å diskutere og ser fram til å laere meir om både meg sjølv og andre.