PC-en hjelpte dei å knekke skrivekoden
Førsteklassingane ved Seljedalen skole fekk hjelp av PC-en til å laere å skrive og lese. Snart skal alle elevar i Bergen få digitale verktøy.
eAndreklassingen sit konsentrert framfor Chromebook med høyretelefonar på.
«Du skal vaere snill med ein venn», skriv Albert Folkedal. For kvar bokstav han tastar inn, får han bokstavlyden på øyret. Når Albert trykkjer mellomrom, blir ordet lese opp. Og når sjuåringen set punktum, får han heile setninga rett i øyret.
Slik har Albert laert å lese og skrive.
– Eg kunne litt då eg byrja i første klasse, men ikkje så mykje, seier han.
– No kan du både lese og skrive?
– Jepp!
Beste resultat nokosinne
Albert og resten av klassen er pionerar på Seljedalen skole. Som førsteklassingar var dei først ut med å ta i bruk leseopplaeringsmetoden STL+, eit digitalt hjelpemiddel for å skrive seg til lesing med lydstøtte. Resultatet har vore over all forventning.
– På kartleggingsprøver hadde dei best leseresultat i første klasse nokosinne på vår skule, seier rektor Lene Hundvin.
– Når barn får bruke fleire sansar samtidig, går skrive- og leseprosessen mykje, mykje fortare. Dessutan blir konsentrasjonen ein heilt annan når elevar brukar høyretelefonar og ikkje så lett blir forstyrra.
Seljedalen skole har fint besøk denne fredagen. Den nye skulebyråden Roger Valhammer fekk høyre om dei gode SLT+resultata då han kom, og han er imponert.
– Det viser at denne typen pedagogisk hjelpemiddel ikkje er framtida, men notida. Målet er at alle barnehagar og skular i Bergen skal ta i bruk digitale hjelpemiddel i leik og undervisning, seier Valhammer.
Gjennom storsatsinga Smart oppvekst skal skular og barnehagar i Bergen digitaliserast.