Resett-redaktør oppfordrar folk til å melde seg inn i KrF
Nettavisa Resett har starta ein aksjon for å få lesarane til å melde seg inn i KrF. Målet er å redde Solberg-regjeringa.
«Det koster kun 325 kroner å bli medlem, og bare 100 kr om du er under 26 år. Etter at landsmøtet er over, kan dere jo melde dere ut igjen», skreiv Resett-redaktør Helge Lurås laurdag.
Det ekstraordinaere landsmøtet i KrF 2. november naermar seg; eit møte som kan bli avgjerande for både KrF og Solbergregjeringa. På møtet skal KrF velje mellom høgre- og venstresida.
Etter at partileiar Knut Arild Hareide sa offentleg at han går for Ap, melde fleire hundre personar seg inn i KrF.
No har resett.no starta ein motaksjon: «Bli med og bruk en historisk mulighet til å påvirke norsk politikk for mange tiår fremover», skriv Lurås, som oppfordrar lesarane til å melde seg umiddelbart inn i lokallag som enno ikkje har hatt ekstraordinaert årsmøte.
Kven som helst kan melde seg inn i KrF, opplyste han, og frå første dag vere med på å stemme og delta som delegat på landsmøtet.
Lysglimt tok Lurås på ordet
Alt søndag hevda resett.no at «tusenvis av Resett-lesere er i ferd med å melde seg inn i KrF». Hilde Frafjord Johnsen, generalsekretaer i KrF, opplyser til BT at KrF inntil laurdag kveld hadde 1945 nye medlemmer.
– Ingenting tyder på at vi har fått inn tusenvis av medlemmer sidan då, skriv ho i ein sms til BT.
Men ein av dei som har tatt Lurås på ordet, er Hans Jørgen Lysglimt Johansen.
– Heilt klart. Eg har meldt meg inn i KrF for å prøve å påverke og sørge for at KrF blir på borgarleg side, slik at vi ikkje får ei sosialistisk leia regjering i Norge, seier Johansen til BT.
Omstridt aktivist
Johansen er ein omstridt politisk aktivist og tidlegare leiar av Fridemokratene. I 2016 stifta han «Alliansen – Norge ut av EØS», eit parti med folkeavstemning om norsk EØS-medlemskap som einaste sak.
Han er også kjent som ihuga Donald Trump-tilhengjar, og har mellom anna kome med utsegn som har blitt oppfatta som antisemittiske.
– Jødane er ein viktig maktfaktor i samfunnet, men det får ein ikkje lov til å snakke om. Då kjem det grupperingar betalt av sionistar og seier at det kan man ikkje seie, sa til dømes Johansen til Adresseavisen i vår.
Johansen seier til BT at han har bede sine folk i Alliansen og Allianseungdommen om å gjere som han og melde seg inn i KrF.
– Alliansen er annleis enn andre parti. Vi har ikkje medlemmar og dermed ingen eksklusivitetseller eksklusjonsparagraf. Vi er meir som ei folkerørsle, og derfor passar denne typen aksjonar oss veldig bra.
– Avskalla, utvatna
– Er planen å melde seg ut igjen 2. november?
– Vi får sjå. Dette er første gong eg melder meg inn i eit klassisk parti. Som dei fleste andre nordmenn, er eg både døypt og konfirmert, og det gjer at det følest naturleg for meg å ha ei forankring i kristendommen. Kanskje vel eg å behalde medlemskapet. Tida vil vise, seier Johansen og legg til:
– Norge treng ei oppvakning og kristendommen er ein sentral del av det. Ingen ting ville vere meir fantastisk enn om Norge redda seg sjølv gjennom kristendom, men ikkje den avskalla, utvatna kristendommen, som Hareides omvending til venstresida. Eigentleg er dette siste stopp i eit langt, langt fall som KrF har opplevd over tid.
– Men det er ikkje på grunn av kristendom du har meldt deg inn?
– Heilt korrekt. Årsaka er faren for ei sosialistisk regjering.
Partileiar Knut Arild Hareide har sendt denne kommentaren til BT på sms:
– Eg registrerer at ytre høgre vart så oppbrakt over mitt råd til partiet, at dei no prøvar å undergrave den interne prosessen i KrF. Vi ser heldigvis svaert få teikn til dette så langt. KrF har ein svaert robust medlemsorganisasjon med over 25.000 medlemmer. Det er KrFs trufaste medlemmer som skal avgjere dette.
Hans Jørgen Lysglimt Johansen