JUBILANT 85 ÅR
, blir ein litt i villreie om kva merkelapp som høver best på gamleredaktøren i BT. Er det nybrotsarbeidet som mediemann, eller er det den omtykte folketalaren som gjennom åra har gjesta kvar minste avkrok her vest, anten som 17. mai-talar eller som kåsør i eit eller anna husmorlag?
Eller er det snarare den produktive forfattaren som i pensjonisttilvaeret har levert bøker om så vel samferdsle som bedrifter, bygdelag og politikarar?
Jau, dette rivjernet frå Bolstadøyri har frå unge år alltid nytta tida vel. Som nytilsett journalist i BT var det ikkje uvanleg at han sat på kveldsvakt og skreiv politinotisar samstundes med at han gløtta opp på fjernsynet for å kommentera eit omstridd program. I same rennet skreiv han ferdig referat frå siste kommunestyremøtet i Fana!
MEN DET VAR NOKRE ÅR SEINARE, då han vart henta til bladhuset i Nygårdsgaten som sjefredaktør i 1977, at Rødland for alvor fekk visa kva to det var i han. Han snudde opp ned på det meste i dei åra han styrte BT.
Redaksjonen fekk ein moderne struktur som inspirerte medarbeidarane. Men for lesarane hadde det sjølvsagt meir å seia at han skar over dei gamle banda som knytte avisa til eit bestemt parti.
Takka vera det naere og fortrulege samarbeidet med styreformann Helge Eide gjorde Kjartan Rødland BT til ei politisk frittståande og uavhengig avis. Bergens Tidende var ei av dei første avisene her til lands