PARADOKS: Staten kan ikkje slå saman Hordaland med Sogn og Fjordane og så redusere kollektivtransporten.

Staten kan ikkje slå saman Hordaland med Sogn og Fjordane og så redusere kollektivtransporten.

OM MINDRE ENN eitt år er nye Vestland fylke røyndom. Nyfylket her vest er fødd i strid. Men skal samanslåinga lukkast, må staten ta konsekvensen av si eiga fylkesreform.

Nye Vestland skal få nokre nye oppgåver. Ei av dei er kjøp av innanlandske flyruter. Men no legg staten ned ei rute rett før samanslåinga trer i kraft, skriv Firda.

Denne veka lyste Samferdsledepartementet ut eit anbod på drift av sju flyruter på kortbanenettet i Sør-Noreg. Her er ruta mellom Førde og Bergen borte. Denne ruta har ikkje eit godt nok kommersielt grunnlag til å bli driven utan statsstøtte, og vil derfor truleg forsvinne.

DET ER EIT paradoks at staten lyser ut desse flyrutene få månader før det nye storfylket er ein realitet. Faktisk startar ikkje sjølve anbodsperioden før 1. april 2020, altså etter at Vestland fylke er i full verksemd. Dette burde fylkespolitikarane ha fått styre.

Anbodsperioden varer til 2024. Når Samferdsle departementet no lyser ut anbod, vil det påverke handlingsrommet til vestlandspoliti kara nei årevis framover. Helse Førde er ein annan aktør som reagerer på rutekuttet, melder Firda.

I FØRDE SKAL avdelinga for kultur, idrett og integrering i det nye fylket liggje. Det er berre eit av mange døme på at det kan vere grunn til å vente med å leggje ned ruta.

Ein må sjølvsagt vege klima og nytte opp mot kvarandre, men det er uansett ikkje klimagassutslepp som låg til grunn for nedlegginga.

Men det stoppar ikkje der. No varslar Nettbuss at dei reduserer busstilbodet mellom Sogndal og Bergen. Nettbuss er heileigd av NSB, som igjen er heileigd av staten.

MARKNADSSJEF Svein Arne Vik i Nettbuss fortel til Sogn Avis at «Nettbuss går generelt ikkje ut med trafikktal, mellom anna av omsyn til konkurransen». Statlege Nett- buss bør ikkje drive med den slags hemmeleghald.

Slik blir kollektivt il bod et gradvis demontert. Resultatet er dårlegare vilkår for folk, offentlege etatar, næringsliv og turisme.

Det er eit paradoks at staten lyser ut desse flyrutene få månader før det nye storfylket er ein realitet.

Staten gjer det vanskelegare å slå saman fylka ved å leggje ned samferdsletilboda. Det er heller ikkje bra å gjennomføre dette anbodet på tvers av lokale ønske rett før oppgåva blir overført til nyfylket.

Dette skulle nettopp vere saksfeltet det nye fylket skulle få styre. Det sender svært dårlege signal at staten gjer det vanskelegare for nye Vestland å fungere godt.

No må ikkje staten øydeleggje for si eiga regionreform.