Krev millionerstatning frå Bybanen Utbygging
Fyllingsdalen-selskap krev 1,8 millionar kroner, men bybaneselskapet vil berre gi dei småpengar.
ingvild.nave@bt.no foto
Planane om bybane til Spelhaugen havarerte, men berre planlegginga har ført til utgifter i millionklassen.
No kranglar grunneigarar og Bybanen Utbygging om kven som skal ta rekninga for bybanestoppet som aldri blei noko av.
Vil ha pengar tilbake
Heilt sidan mai i fjor har partane krangla om kravet.
– Det synest vi ikkje noko om i det heile tatt, seier advokaten til Angarde AS, Endre Grande.
Selskapet fekk i 2017 varsel om at 7000 kvadratmeter av eigedommane deira ville bli ekspropriert, det vil seie at Bybanen Utbygging skulle ta over arealet, mot kompensasjon, for å bygge bane.
Årsaka var at endestoppet på Fyllingsdalen-traseen og eit bybanedepot skulle byggast på Spelhaugen.
Dette ville ikkje Angarde AS, som allereie hadde planar for området. Derfor kjempa dei iherdig for å flytte depotet inn i fjellet i staden.
– At åtte til ti mål med verdifullt næringsareal skulle bli oppstillingsplass for bybanevogner ønskte vi ikkje, fortel Grande.
Til slutt blei det ikkje noko av Bybanen til Spelhaugen, og både endestoppet og depotet blei flytta til Oasen. Men kostnadane for selskapet forsvann ikkje av den grunn. No vil dei ha nokre av pengane tilbake.
Vil ha dekt studietur
I lova står det kort fortalt at den som søkjer om ekspropriasjon, i dette tilfellet fylkeskommunen gjennom Bybanen Utbygging, skal dekke dei naudsynte kostnadane til den som må gi frå seg eigedom.
Det partane kranglar om er om kostnadane tilhøyrer ekspropriasjonssaka i det heile tatt.
Her er lista over kva eigedomsselskapet meiner Bybanen Utbygging skal dekke:
Advokatutgifter: 52. 012 kroner.
Bistand frå det danske arkitektfirmaet Gehl og konsulentfirmaet Rambøll: Cirka
1.670.000 kroner. Synfaringstur til eit vogndepot i Stockholm i juni 2017: 30.000 kroner.
Advokatutgifter i samband med kravet om tilbakebetaling:
64.500 kroner.
Det totale kravet 26. september 2019 var på 1.802.500 kroner.
Så langt har både Bybanen Utbygging og Kommunal- og moderniseringsdepartementet sagt seg einige i at dei vil dekke advokatutgiftene på 52.012 kroner.
Resten seier dei derimot blankt nei til å ta rekninga for. Det har ingenting med ekspropriasjonssaka å gjere, men er tilknytt reguleringsarbeidet av
Endre Grande, advokaten til Angarde AS
– Kva med studieturen Sverige?
– Det er i alle fall ikkje ein del av ekspropriasjonen, seier Brunes.
til
Vil vurdere privat søksmål Saka er no sendt vidare til Justisdepartementet som skal ta ei endeleg avgjersle i saka.
Kva gjer de om de får avslag på kravet også der?
– Då må vi i tilfelle bringe saka for retten. Det må vi vurdere nøye når vi får svaret frå Justisdepartementet, seier Angarde-advokaten.