HV svekkes i sør
Landsrådet for Heimevernet har sagt tydelig i fra om at nedlegging av Sjøheimevernet vil svekka landets totale beredskap.
●● I eit land med ei kyststripe på nær 29.000 kilometer, er det vanskeleg å skjøna at Sjøheimevernet vert lagt ned.
Det er heller ikkje samsvar mellom vedtaket om å redusera Heimevernets områdestyrke med 7000 soldatar - og uttaler vi høyrer om ein styrka beredskap med betre sivil-militært samarbeid.
Nedlegginga av Sjøheimevernet og ein reduksjon på 7000 soldater, er til saman ei dramatisk reduksjon av Heimevernet.
Beredskapsområdet står for meg som eit av dei politikkområda kor det for tida er størst sprik mellom kva som vert forfekta - og kva som er den faktiske situasjonen. Sjølv om Heimevernet får færre soldatar, skal innsatsen styrkast i nord. Det betyr at kutta i Heimevernet vert særlig tøffe i den sørlegaste delen av Noreg.
Eg skjønar godt at reaksjonane er sterke. Landsrådet påpeika konsekvensane kutta ville få for beredskapen fleire gongar før vedtaka blei fatta.
Både i samband med forsvarsjefenes militære råd (FMR), langtidsplanen for forsvaret (LTP) og statsbudsjettet for 2017 var Landsrådet tydeleg i sin uttale. Difor bør det ikkje koma som