Vil legge ned mellomtrinnet
Rådmannen vil legge ned mellomtrinnet på Byglandsfjord skule og samle alle born over fjerde trinn på skule i kommunesenteret Bygland.
– Eg har fått i oppgåve å spare inn fire millionar kroner. Då er den løysinga som vil gje minst skadeverknad å kutte i skulen og samle fleire elevar i større einingar i Bygland, seier rådmann Aasmund Lauvdal til Fædrelandsvennen.
I dag er det skule opp til og med sjuande trinn både på Byglandsfjord og Bygland. Alle på ungdomstrinnet går på skule i Bygland.
Leiar i foreldreutvalet ved Byglandsfjord skule, Tone Mette Andersen, svarte ikkje på telefon tirsdag kveld, men reaksjonane på Byglandsfjord skal vere sterke.
KORTARE TIL EVJE
Det går i dag omtrent like mange i dei aktuelle trinna på Byglandsfjord som på Bygland.
Det er 19 born som må byrje å reise dei 23 kilometerane opp til Bygland. Der er det 22 born i dei tre trinna frå før.
Avstanden til skule på Evje er berre 11 kilometer. Men det er ein annan kommune.
Rådmann Lauvdal seier samanslåing på Bygland vil gje ni elevar på femtetrinn, 16 på sjette og 16 på sjuande trinn. Han meiner klasse-storleiken blir god med samanslåing.
Forslaget vil spare Bygland kommune for 1,85 millionar kroner i året. Skyssutgifter er det fylkeskommunen som dekker i all hovudsak.
Ordfører Leiv Rygg (Sp) veit
❞ Me kan ikkje kutte i skulen så drastisk og plutseleg når nye inntekter kan vere like om hjørnet.
LEIV RYGG, ordfører i Bygland kommune
ikkje kor det politiske fleirtalet vil havne. Det blir tydeleg fyrst når formannskapet skal ha møte torsdag.
VIL VENTE På VINDKRAFT
– Men i Senterpartiet seier me nei. Me kan nytte oppsparte fond til me veit om Olje- og energidepartementet seier ja til vindkraftverket på Hovatn. Svaret i den saka vil kome seinare i år, seier ordføraren.
Hovatn vil venteleg gje meir enn fire millionar kroner ekstra i årleg eigedomskatt til kommu- nekassa. Då blir det ein heilt annan økonomisk situasjon i kommunen.
– Rådmannen gjer jobben sin. Me har pålagd han å kome med kuttforslag. Men me kan ikkje kutte i skulen så drastisk og plutseleg når nye inntekter kan vere like om hjørnet, seier Rygg.
– Men kva viss regjeringa seier nei til Hovatn?
– Då har me ein annan situasjon som eg ikkje kan seie noe om no. Skal me endre i skulen, må det uansett skje etter ein prosess med mykje meir involvering og min- dre hastverk enn det som ligg føre no, seier ordførar Rygg.
MANGE FORSLAG
I Valle freista rådmannen å legge ned Hylestad skule og i Iveland freista rådmannen å bygge ned Vatnestrøm skule sist haust. Politikarane begge stader nekta. Rygg håper det same vil skje i Bygland.