Jan Pedersen med gamal lekse
Du definerar sosialisme «som ein altomfattande ideologi».
●● «Vi skal gjere skulen verdsleg liksom sjukepleien, gravferda, ekteskapet og fødsels-registreringa. Vi skal slåst uforsonleg mot den noverande lutherdommen som andre dumme sekter». (Sitat, men oversett til nynorsk).
Dette må vera ein svært gamal definisjon på sosialisme, Pedersen, men du lever vel i før-tida?
Ein langt nyare definisjon på sosialisme er følgande: «Sosialisme er ein politisk ideologi som har eit mål om økonomisk likskap mellom medlemar av eit klasselaust samfunn der produsjonsmidla er eigd av staten. So- sialisme trur ikkje på den frie marknaden, med tanke på at det skapar store ulikskapar mellom rike og fattige». Punktum. Ikkje eit ord om verdsleg-gjering eller anti-kristendom! Likevel skriv Pedersen: «No står det att å renske bort den siste rest av kristendommen»! Det er utruleg at Pedersen kan få seg til å tru slikt! Også fordi partileiaren i Ap seiest å vera personleg kristen.
Det er underleg å sjå Pedersens hat mot dagens Arbeidarparti, og mot professor Edvard Bull, for Martin Tranmel, Kyrre Grepp og Olav Scheflo var og framståande menn i AP då dei russiske omveltningane skjedde i 1917-18.
Det skulle berre mangle at også nordmenn, som andre politikarar, mange stader i verda var påverka. Dessutan hadde arbeidsfolk den gong svært dårleg løn og husvære som arbeidarrørsla kjempa for. Men det viktige er, og var, at sosialdemokratiet i Noreg rensa seg sjølv frå diktatoriske tendensar i god tid før Krigen. Norges Kommunistiske parti skilde seg ut, og vart eit mikroparti som den dag i dag er nettopp det. Kommunismen slo ikkje rot i Noreg, Jan Pedersen! Det gjorde demokratiet! Du burde slutte å leve i gamle dagar med fæle skremebilete mot Det norske Arbeidarpartiet.
29.04: I dag understrekar Pedersen igjen sine underlege påstandar «-der Staten skal bestemme over eit menneske frå fødsel til død» og: «- vi åleine (AP) har makta over menneske!» Underleg og feil.