25 år siden
13. JULI 1992
●● – Det gjer ikkje noko kor mykje det regnar, berre fela let! Dei var til fulle optimistar, tilskiparane av årets tradisjonelle Setesdalsstemna. Mykt og tett skylag jog over himmelen på Ose i går ettermiddag, og berre få minutt før det heile starta, kom dei første tunge regndråpane. Men det vart til alt hell med dette. Dermed kunne alt gå etter programmet slik at ein slapp å trekkje innomhus. Stemnedagens høgdepunkt var utdeling av målprisen. Den gjekk i år til Anne Karin Kaasa, for få år sidan ei vanleg skulejente i Bygland, i dag landskjend for sin vene song. Ho var med i årets norske Grand Prix-finale, der det var sjølvsagt at songen vart framført på nynorsk.