Fungerer godt for kven, Furre?
Renonorden som køyrer søppel i Kristiansand har gått konkurs, og arbeidarane veit lite om kva som vil skje med arbeidsplassen deira.
●● Det meiner ordførar Harald Furre er positivt. Det er eit bevis på at marknaden fungerer godt seier han. Ja, det er slik marknaden for kommunale tenester fungerer. Eigarane kan ta ut stor forteneste og la selskap gå konkurs, kommunane sit med ansvaret for å rydde opp, og dei tilsette må ta støyten. Men er det slik vi vil ha det? Er det slik vi vil behandle dei som hentar søpla vår?
I følgje avisa Fri Fagbevegelse gjekk Renonorden på børs i desember 2014. Det var etter eit år der det norske selskapet ga heile 184 millionar kroner i konsernbidrag til morselskapet Renonorden ASA, av ei omsetning på 550 millionar kroner. På fire år betalte det norske selskapet 345 millionar kroner til morselskapet i konsernbidrag, finansiert av renovasjonsavgift frå innbyggarane i norske kommunar.
Ein konsekvens av anbodssystemet er at arbeidarane ikkje har fast tilsetjing. Dei er midlertidig tilsette i den perioden anbodet varer. Dei har heller ikkje nokon garanti for å bli overført til det selskapet som vinn neste anbodskonkurranse. Dette er ein av konsekvensane av det anbodssystemet som ordføraren hyllar, og det er ein del av det lausarbeidarsamfunnet som gradvis rullar inn over oss.
Det er tydeleg at det systemet som Furre hyllar, fungerer godt – for investorane. Men fungerer det like godt for dei tilsette og for kommunane som må ta ansvaret og rydde opp? Eller er det investorane i den veksande tenestemarknaden Furre har mest omsut for?
hvor alvorlig situasjonen kan bli om vi lar oss rive med av sterke, manipulerende og karismatiske krefter.
●●