Vi kan ikkje friskmelde klimaet

Alf Melling både overtolkar og delvis feiltolkar ein forskingsrapport om klima iles ar innlegg i F a ed re landsvennen.

●●Melling skriv at «Rapporten konkluderer med at IPCC (Klimapanelet) har tatt feil når det gjelder klimabudsjettet som de har brukt i sine beregninger. Verden kan slippe ut fire ganger mer CO2 og likevel klare de oppsatte klimamålene. Vi har altså mer tid på oss. Rapporten mer enn antyder at Klimapanelet ikke har forstått klimasystemene fullt ut».

Melling naermast avskriv alle klimautfordringa nei innlegget sitt, og nemner at seniorforskar Glen Peters i Cicero er ein av forskarane bak rapporten. Eg stussa på det Melling skriv, og tok derfor kontakt med CICERO Senter for klimaforskning, Norges fremste institutt for tverrfaglig klimaforskning.

Eg har fått dette svaret frå CICERO:

”Forfattaren har over-tolka og delvis feil-tolka den vitskaplege artikkelen det blir vist til. Han har rett i at artikkelen viser at verda kan sleppe ut meir CO2 innanfor eit klimamål på 1,5 gradar Celsius enn tidlegare utrekningar som er med i IPCC sine rapportar har vist, men i forhold til nødvendig innsats for å nå klimamål på 1,5 gradar eller 2 gradar frå Paris-avtalen er denne skilnaden ikkje så viktig. I alle høve er ein rask og stor reduksjon av klimagass-utsleppa nødvendig. Den nye artikkelen viser også at ulike måtar å rekne ut ”karbonbudsjettet” på kan føre til relativt store utslag. Den viser ikkje ”… at Klimapanelet ikke har forstått klimasystemene fullt ut». Det er eit problem med konseptet ”karbonbudsjett” ettersom det ikkje finst ein omforent og konsis definisjon. Andre problem med dette konseptet er at andre klimagassar enn CO2 i utgangspunktet ikkje er inkludert, og at bruken av teknologiar som karbonfangst og –lagring, og ulike teknikkar for negative utslepp, vil påverke ”karbonbudsjettet”.”

I tillegg skriv CICERO at det var forskarane Jan S. Fuglestvedt og Ragnhild B. Skeie som var medforfattarar, ikkje Glen Peters. Så her var det mykje feiltolking.

Stoda er nok den same for klimaet og miljøet vårt, same kor mykje ønsketenking Alf Melling har lagt inn i si personlege fortolking av rapporten.