Maria var ikkje jomfru

I ein del seriøse aviser hevdast det at bibelens Maria ikkje var jomfru – likevel.

●●Professor Halvor Moxnes nemner i ein artikkel kven som var Jesu’ far, og nemner ulike historiske spekulasjonar. Han kunne også ha nemnt teorien om at Maria var blitt befrukta av den heilage ande gjennom øyre (!) – fordi det trass alt måtte ha skjedd gjennom ein kroppsopning! Men Maria var ikkje jomfru. Det står ikkje i den opprinnelege, hebraiske teksten. Det fortel filologane oss. Der nemnes det at ho var almåh, som betyr «ei ung kvinne i den alderen at ho kunne få barn». Då dette seinare vart oversett til gresk, fantes ikkje eit slikt ord, og man valgte parthenos som betyr «jomfru». Dette vart standard i Bibelen, av gode grunnar har man oppretthalde denne «fake translation». Dermed burde saka vera «løyst: - inga jomfru Maria!» Viss eg hugsar rett vart jomfrudomen i teorien banka inn på kyrkjemøte nokre hundre år etter år 0. Meir om religion: Som eg har nemnt fleire gonger før, fins det om lag 7-8000 religionar på jorda, blanda med mytologiar. I den norrøne religionen/mytologien var det kanskje om lag 100 gudar og eser. Slik kan vi truleg gange 7-8000 med om lag hundre eller meir. Det blir mange gudar! Korleis kan alle desse eksistere her på jorda? Men det kan dei slett ikkje heller. Korleis? Min påstand: Alle saman fins neppe andre stadar enn inni hovudet på folk! Slik er det nok også med kristendommen.