Sidemålet endå ei gong
To frustrerte laerarar ved Tvedestrand og Åmli vgs har gått frå idealisme og pågangsmot til pessimisme og mismot, står det i Faedrelandsvennen 09.02.18.
●●Leiaren i Noregs mållag svarte 15.02.18, blant anna med å referere Jeløyerklaeringa til regjeringa: «Regjeringen vil sikre gode bruks- og opplaeringsvilkår for de to likestilte målformene i norsk».
Eg er ikkje laerar, men då eg for nokre år sidan vart fortalt kor lite tid som var til sidemål i vidaregåande, var det ikkje vanskeleg å forstå at elevane kunne bli negative til faget. Når me i tillegg veit kva bokmålsbad dei fleste ungar lever opp i, i barnehage, barneskule, fritidsaktiviteter og media, blir ikkje forståinga mindre. Og når laerarane gir opp og blir motstandarar av faget, blir forståinga ennå større.
Det er Storting og regjering som har overordna ansvar for at barn og unge laerer kvifor me har to likestilte skriftspråk her i landet. Det bør innførast krav om nynorske songar og forteljingar (lesing) i alle barnehagar. Slikt krav må vidare også gjelde i barneskulen, der ungane også kan få øve seg på å skrive nynorsk. Det bør vere viktig at ungane får laere nynorsk å kjenne når dei er i ein alder der dei er opne for alt nytt og kunnskap kan leikast inn.
Slike ordningar i barnehage og skule må føre til endra opplegg i utdanning av laerarar og barnehagelaerarar. Slik det er nå kan ein laerar bli ferdigutdanna utan å ha eksamen i norsk, sjølv om det er eit fag som blir nytta i alle andre fag. ÅLAUG ROSSELAND, leiar i Vest-agder Mållag