Kunst eller vanvørdnad?

Kva ser me? Faedrelandsvennen har 23. mai ein artikkel under overskrift: Ga 600.000 til Hovden-performance.

●●Ei teatergruppe som kallar seg Loop by Laura skal grave ned bruder i bunad ved noko dei kallar Breidvatnet, som må vere Breivatn ved Bjåen.( Orsak, på kartet har dei teke med den stumme d`en, men i ubestemt form, slik det blir sagt).

Nedgravd til livet, står det, og bunadane skal altså vere Setesdals-stakkar, «den finaste bunaden», seier Laura Christina Brøvig Vallenes. Og den vil ho altså grave ned i jord og søle, slik me forstår det.

Vår kjaere ordførar Jon Rolf uttalar: « Slikt som dette er vi veldig positive til, og jeg kommer til å gå inn for at dette blir lagt godt til rette for.»

Då må me spørre: Kven er «vi»? Det er nemnt «byklinger». Er det ein av-art av byklerar? Me trur iallfall at ingen av siste kategori, det vere seg innfødte eller tilflytta, vil bifalle slik sjikanering av den stolte nasjonaldrakta.

No må «bunadpolitiet» moblisere, og politikarane bør sette ned foten, med eller utan sko. (I innlegget står det også: «– i et landskap der en strøm av bunadssko flyter ut i innsjøen».

Dette blir altså kalla kunst og omtala som performance, truleg i mangel av dekkande norsk ord. Skjerp dykk! Det bør ikkje vere slik at ein må ty til ordbøker for å forstå eit innlegg.

Og tru det eller ikkje : «Kunstnarane» er bevilga 600.000 frå kulturrådet til prosjektet!

Ja, ja – det er vel om lag det det vil koste å rense bunadane?

(Kvifor ikkje heller plassere brudene i kolgroper? Dei er iallfall ferdig gravde og grodde, og skitnar ikkje til !

Helsing to gamle Hovden-damer, blotta for forståing av provoserande «kunst».